مناقشة الأحوال والتوقعات الجوية الخاصة بشهر ديسمبر 2022

اقتباس: المشاركة الأصلية كتبت بواسطة kalled  مش زابطه ل٤ ايام وانت نطيت ل١٠ ايام خليها ع البركه احسن عادي اذا ع 10 ايام بسيطة كويس ما اعطيت لموسم كامل او حتى شهر كامل

مسا الخير .قال فرصة الثلوج متوسطة وغير واضحة هذا الموسم من طقس العرب .ولا يتوقعون ثلوج ومنخفض بارد ماطر في يناير بأكمله بل حالات مبتورة فرعية عدم استقرار والمداري في النصف الآخر من الكرة الارضية !! بل ويتوقعون السيبري وصقيع .ولم نرى هذا التوقع اطلاقا على النماذج !! بصراحة علامة استفهام كبيرة على توقعاتهم لشهر نوفمبر الحالي وشهر يناير والموسم ككل .مع احترامي .فشلو فشلا ذريعا بتوقعات نوفمبر ..عاصفة مطرية باخر الشهر رمت بكل التوقعات عرض الحائط .

اقتباس: المشاركة الأصلية كتبت بواسطة gaint  فعلا.... من اكثر من موسم يحصل العكس سبحان الله لو هالنشرة الموسمية تبطل احسن دائما فاشلة اصلا ولا موقع ولا جهة بتزبط معها والله اعلى واعلم مهو هاي المصيبه اذا التوقعات بتكون سيئه ل منطقتنا التوقعات بتثبت عالسلبي الله يرحمنا برحمته

يسعد مساكم جميعاً

عسيرة طبلان النشرة الموسميه والله ماعمري سألت غير برحمه الله أنا متفائل كثير ... يا جماعه السنه الماضية كل مواقع النت والجو والنماذج والانسامبلز والخبراء وسكان جوف الارض توقعوا شهر شباط تاريخي .. لولبي .. شلولخي وطلع العكسسسسسسس رغم انه كان في اتفاق درامي من كل اطياف التوقعات عشهر شباط الماضي بالنهاية الي بتمعن بعلوم الطقس بآمن حق اليقين إنه كل هالشي بجملة كن فيكون بتتغير وياما العلم هاد خلانا نحكي مع حالنا لا تاخذوا اي نشره انها مطلقة ولا تاخذوها انها شريعه انا متفائل بموسم 500 ملم مطر وبرد وصقيع وثلجتين وحده منهم عاصفة وأغلب الظن إنا بشهر 2 .. ان اصبت فمن الله وان اخطات فمن نفسي والله أعلم

التوقعات الموسميه للاستئناس فقط لا يصيبكم احباط عواصف جنوب بلاد الشام لا تخضع لقانون واضح والا بناءا عالقيم الشماليه المفروض عواصف ثلجيه مرسومه عالنماذج الفتره القادمة

اقتباس: المشاركة الأصلية كتبت بواسطة gaint  عادي اذا ع 10 ايام بسيطة كويس ما اعطيت لموسم كامل او حتى شهر كامل الله يرحم ايام زمان لاكنا منعرف جفس ولا غيرو وكانت التوقعات ليومين ثلاث بالكثير وكان يجي الخير والثلج كان طمر

النشرات الموسمية والتوقعات البعيدة مضيعة وقت والي بدو يشوفها الافضل يقراها للتسلية فقط، الامور بالفترة البعيدة تنقلب لصالحنا باي لحظة، اخر عاصفة ثلجية ثقيلة كانت اليكسا وقبل حوالي 9 الى 10 سنوات صراحة حان موعد ثلجة ثقيلة ثانية بعد هذا الغياب وان شاء الله تكون هذه السنة

طيب شو التوقعات القريبة

بغض النظر عن التوقعات الموسمية لا احد ينكر الى انه الموسم لغاية الان ضعيف في العديد من المناطق باستثناء بعض المناطق الجنوبية صفة الموسم الى الان الدفئ ودرجات الحرارة اعلى من معدلاتها سادت معظم شهر ديسمبر الان التوقعات تشير الى استقرار خلال ١٠ ايام ع الاقل دون فعاليات رئيسية وحتى بعد ذلك لا يوجد شيء واضح عن مدى استفادتنا من المنظومة الجوية بعد ذلك لا يهم ان تاثرنا مثلا بمنخفض قوي ومعظم فترات الموسم استقرار ودرجات حرارة مرتفعة