مناقشة الأحوال والتوقعات الجوية الخاصة بشهر ديسمبر 2022

- حالات جوية ممطرة شتوية باردة جدا في الفترة بين 1 وحتى 5 كانون الثاني (المستوى الأصفر) هو بس وريني اياها عالخرائط هالحالة الشتوية الباردة جدا؟ عنا حالة عدم استقرار جنوب وشرق المملكة ممكن تمتد لوسط وشمال المملكة بصورة ضعيفة وخرائطها واضحة بعد ايام، وعنا شرقية احد واثنين غريب عجيب عالتوقع اللي بدون خرائط طبعا الكلام مش الك....

دكتور محمود تلاقيها توقعات لشهر شباط ربما .

اسعد الله مساءكم جميعاً أجواء باردة هنا في شارع المطار اللهم ارزقنا الغيث الوفير

الكندي مئبعة معو .. بلش يرسم خرائط حلوة لفترة نهاية الاسبوع الجاي وشكلو الاوروبي لاحقو طوال الاسبوع القادم رح تكون فرص الامطار حاضرة وخاصة يوم الاثنين والاربعاء مع اجواء باردة جدا بفعل نشاط الشرقية والي رح تكون رطبة نوعا ما

مساء الخير ... توقعات يناير / كانون ثاني 1 - 10 حالة من عدم الاستقرار الجوي تبدأ بالتأثير على المملكة بداية الأسبوع يوم الأحد وتستمر لعدة أيام حتى يوم الأربعا وعلى فترات حوض علوي بارد يندفع إلى المملكة نهاية الأسبوع وأمطار متوقعة خاصة شمال ووسط المملكة نهاية الفترة أجواء باردة تسيطر على المنطقة الفترة 11 - 20 يناير / كانون ثاني منخفض بارد ماطر يؤثر على المنطقة ( متوسطي) بداية الفترة منخفض آخر يندفع الأيام الأخيرة من الثلث الثاني ( 17 - 20 ) الثلث الأخير نتركه قليلا والمؤشرات جيدة جدا للآن التوقعات شخصيه بناءا على عدة مراكز والله تعالى أعلم

موضوع السوشال ميديا صار بزهق .. ومن جديد طلعت صفحات الطقس هاي اللي بتخبص .. و بطلعو توقعات قوية بس عشان اللايكات و التفاعل .. وبعد ما يفشلو و يطلع كل كلامهم غلط , الناس ممكن تسبهم بس ما بتلغي الاشتراك و المرة الجاي الناس بترجع تتفاعل .. زي موضوع مهابيل التيكتوك .. الناس بتابعهم باستمرار .. الحقيقة الموضوع صار بخنق من كل النواحي .. فش اي رقابة على اي محتوى ..

الهوا البارد لزق فوق شمال البحر الاسود وهو بترجى قبرص تطلعله بؤرة ضغط منخفض يدعمها بالبرودة وقبرص مكبرة راسها 🤦‍♂

اقتباس: المشاركة الأصلية كتبت بواسطة yaseen all  الكندي مئبعة معو .. بلش يرسم خرائط حلوة لفترة نهاية الاسبوع الجاي وشكلو الاوروبي لاحقو طوال الاسبوع القادم رح تكون فرص الامطار حاضرة وخاصة يوم الاثنين والاربعاء مع اجواء باردة جدا بفعل نشاط الشرقية والي رح تكون رطبة نوعا ما بحاولوا يرسموا شي بس عصف الشمال بخرررب لنشوف

اقتباس: المشاركة الأصلية كتبت بواسطة yaseen all  الهوا البارد لزق فوق شمال البحر الاسود وهو بترجى قبرص تطلعله بؤرة ضغط منخفض يدعمها بالبرودة وقبرص مكبرة راسها 🤦‍♂ شو دخل قبرص هاي مسكينة الله هو بس ينزل الهوا البارد وبعدها بتشوف قبرص بتضوي ضوي

عدم الاستقرار بداية الأسبوع قد تترافق مع تبريد سطحي بفعل الرياح الشرقية وتهطل الثلوج بأماكن متفرقة ..... لنتابع