مناقشة الأحوال الجوية السائدة والمتوقعة خلال شهر كانون الثاني/يناير 2024

مش عارف على شو الطنة والرنة خرائط بعد ألف ساعة شكلنا ما بنتعظ !

جفس من فترة متوقع نزولات متتابعة لكن لسا مارجحها بينا وبين ايران سيناريو الكندي لمنتصف الأسبوع المقبل حلو متوقع عاصفة مطرية وثلوج عالجنوب ان شاء الله لنشوف الاوروبي شو رح يحكي

ياريتها الخارطة بعيدة خمس أيام مش عشرة جفس يلعب بالاعصاب

اقتباس: المشاركة الأصلية كتبت بواسطة ابوالخير  أسعد الله صباحكم بكل خير وبركة... هطل في سحاب خلال اليومين الماضيين ما يقارب ٢٧.٥ ملم حسب محطتي جنوب سحاب ولله الحمد والشكر... ليرتفع تراكمي الموسم ليصبح ١٣٤ ملم محققا نصف المعدل السنوي وبأداء افضل من العاميين الماضيين حتى تاريخه.... الربيع منتشر بكثافة في محيط المنطقة وخاصة المناطق الزراعية جنوب وجنوب شرق سحاب... دمتم بحفظ الله السلام عليكم.. أداء ضعيف للمنخفض الثاني في مناطق جنوب شرق عمان بشكل عام حيث لم يهطل في سحاب سوى ٣ملم ليرتفع تراكمي الموسم ل ١٣٧ ملم ولله الحمد والشكر... نسأل الله من فضله وكرمه

افتحوا عالساعة ١٢٠ من الاوروبي والامريكي والبريطاني والكندي و شوفوا الاختلافات الواضحة بينهم ، فما بالكم لبعد ٢٠٠ ساعة ... اشي كويس تكرار سيناريوهات ممتازة للمنطقة لكن بحاجة اقتراب الفترة اكثر و استمرار ظهور الاشارات من عدة نماذج ، على خير ان شاء الله

الاوروبي جيد مبدئيا ثلجة الف متر نتمنى مزيد من التحسن

خلينا على توقعات الاوروبي والكندي للمنخفض الماطر بعد 168 ساعة اما توقعات جفس فاحنا وين وهي وين.

مبدايا فينا نحكي عن عاصفة مطرية منتصف الأسبوع القادم باذن الله باتفاق كندي أوروبي تراكمي الكندي لنهاية الأسبوع القادم ممتاز وداهن كل المملكة من الشمال للجنوب باحلى الالوان والجنوب رح يعوض شوي ويلحق بالركب إذا الله راد شكلو الموسم رح يكون ممتاز ان شاء الله