استفسار بخصوص الرام ,,, ارجو المساعدة

كيفكم جميعا ؟؟ الان انا في على جهازي رام 256 وحابب اني ارفعه الى 512 او اكثر فممكن تعطوني اسعار الرامات لل512 وطالع ... ايضا الاحظ انه اثناء تصفحي النت المتصفح بطيء والجهاز فتحه للملفات بطيء بينما على الكمبيوتر المحمول ( اللابتوب ) سريع ولا يوجد مشكلة الحمدلله ,, سؤالي اذا ركبت رام جديد رفعته هل سيؤثر على السرعة ان شاء الله ؟؟ يا ريت يا اخواني تفيدوني وشكرا لكم

اقتباس: المشاركة الأصلية كتبت بواسطة weather fan  كيفكم جميعا ؟؟ الان انا في على جهازي رام 256 وحابب اني ارفعه الى 512 او اكثر فممكن تعطوني اسعار الرامات لل512 وطالع ... ايضا الاحظ انه اثناء تصفحي النت المتصفح بطيء والجهاز فتحه للملفات بطيء بينما على الكمبيوتر المحمول ( اللابتوب ) سريع ولا يوجد مشكلة الحمدلله ,, سؤالي اذا ركبت رام جديد رفعته هل سيؤثر على السرعة ان شاء الله ؟؟ يا ريت يا اخواني تفيدوني وشكرا لكم حسب معلوماتي طبعا بترفع سرعة الجهاز

السلام عليكم رام 512 بطل موجود يعني بدك 1 جيجا و اكثر ولازم يكون عندك كرت الشاشة 128-256 تقريبا المهم سعر ال 1 جيجا ما بين 20-40 دينار حسب النوعية وعشان جهازك بطيء في اكثر من السبب اهمها المذر بورد صار بطيء وبدو تغير كامل او فايروس اذا فايروس فرمت جهازك وقبل ما تفرمته نظف الغبرة من جو ال case

طبعاً الرام الها دور كبير في رفع سرعة الجهاز و لكن ما هي سرعة الcpu لديك لأنه ممكن يكون البطىء من الcpu و ليس من الرام؟؟؟؟؟

ازا معك فلوس اشتريلك واحد تاني نصيحه مني .. ـــــــــــــ تحياتي ،،

تحياتي أخي العزيز يناااااااال معلومة صغيرة::::زيادة الرام رح يزيد من أداء الجهاز بشكل عام لأنو المعالج والرام مكملين لبعض...يعني لوالمعالج عندك تعبان وزودت الرام مارح تشوف فرق ملموس...... أول شي لازم تعرف شو نوع الرام إلي عندك .....كمبيوترك قديم ولا جديد إزا قديم رح يكون SD RAM وهاد قديم ....بس مابتوقع يكون قديم أما إزا جديد فعندك DDR1 و DDR2 الــ DDR1 مابجي منو أكثر من 1 جيجا قطعة وحدة وسعره مرتفع نسبياً.. أما الــ DDR2 بيجي منو 2 جيجا قطعة وحدة وسعره معقول وبتقدر تركب أكثر من رام حسب مواصفات الMotherBoard إذا بتتحمل أو لأ...وأسرع وأفضل من DDR1 مثلاً أنا عندي حاط رام DDR2 (6) GIGA وكيف بدك تعرف هالشي...بكون مكتوب على كرتونة اللوحة الأم... إستطاعة الرام(يعني الحد الأقصى لتركيب الرام ...1جيجا ...2جيجا ....4جيجا) الخلاصة...إذا إشتريت رام أكبر ....يفضل إنك تحط الرام الأكبر بالشق الأول Slot1 والأصغر بالثاني...إذا ماإلك مراق بهالسوالف صاحب محل الكمبيوتر أدرى بهالأمور... -------------- أما بالنسبة لمشكلة البطىء بالجهاز.......فتعددت الأسباب والموت واحد عندك كتيييييييييييير أسباب رح أذكرلك أهم كم سبب...بلكي بيزبط عندك تنزيل برنامج أو تعريف جهاز خارجي يتعارض مع الكمبيوتر....خصوصاً مع بدء تشغيل الجهاز إصابة الكمبيوتر بالفيروسات(والفيروسات إلها دور كبير بالمشكلة)ومثل ماقلتلك من قبل جرب الكاسبر إنترنت 7 عدم تنظيف الجهاز...إفتح الCase ونظف الغبار خصوصاً فوق مروحة المعالج الحرارة الزائدة من المعالج وسوء التهوية للكمبيوتر...تأكد من المعجون الحراري فوق المعالج...(إذا مافهمتها بشرحلكياها بالتفصيل) وكثير من الأسباب الأخرى...ممكن يكون Bad Sector بالهارد وممكن وممكن....كثير أسباب..... ومشان بطىء الإنترنت فالأغلبية للإنترنت نفسه والجهاز تأثيره بسيط.....يعني ممكن إنت بتفتح برامج وتطبيقات كثير بنفس الوقت وبتتصفح النت وبتلاقي بطيء....سرعة الإتصال بتأثر بشكل كبير...كمان مزود الخدمة.... ------------------------ وأي إستفسار أنا جاهز.........لعيونك ينااااااااااااااااااااااااااااااال.......حبيب ألبي....خدام الحلوييييين أنا

شكرا جميعا اخواني على المساعدة وما قصرتوا فعلا انكم رائعين كلكم

اهلين ينال .....الرام مثل ما قالولك الشباب بزيد من السرعة طبعا....اما البطئ اعتقد يا فايروس او الويندوز اللي انتا مركبه اذا كان vista معناتها مصيبة لانو بده مواصفات عالية

اقتباس: المشاركة الأصلية كتبت بواسطة ايهم  اهلين ينال .....الرام مثل ما قالولك الشباب بزيد من السرعة طبعا....اما البطئ اعتقد يا فايروس او الويندوز اللي انتا مركبه اذا كان vista معناتها مصيبة لانو بده مواصفات عالية والله يا ايهم لسا قبل اسبوع فرمتت الجهاز والوندوز xp مش عارف صراحة

بصراحه موضوع مهم وكلنا بنمر بنفس المشكله احيانا مشكور اخي ويدرفان على الموضوع النقاشي البناء تحياتي