قصص العائلات الاردنيه !!! - منتديات ArabiaWeather.Com

العودة   منتديات ArabiaWeather.Com > المنتديات العامة (استراحة المنتدى) > المنتدى العام و تعارف الأعضاء > المنتدى الترفيهي

الملاحظات

المنتدى الترفيهي يختص بوضع الأمور الترفيهية و الألغاز و النكت و الطرف و غيرها من الأمور

الاخبــــار

رد

[ 03-01-2009 ]   رقم المشاركة 1

 المشرف و المراقب العام لمنتديات طقس العرب

 

الصورة الرمزية Osama Tarifi

تاريخ التسجيل: Sep 2008

رقم العضوية: 204

المشاركات: 11,645

الدولة/المدينة: amman

الارتفاع عن سطح البحر: 900 - 1000 متر

شكراً: 1,713
تم شكره 11,001 مرة في 1,217 مشاركة

في كل عيلة بتلاقي أشخاص بيتكرروا


الشخص الخفيف الدم اللي بيسلي القعدة
نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

و عادة بيكون لسانه زفر شوي ومسموحله يحكي شو ما بده
طول ما هوه عم بيضحك بالبشر
و هوه اللي خالد لما يخطب لميا بيحكيلها عنه
لو تشوفي ابن عمي زياد نهفه بموتك ضحك
و بيجي زياد عالقعده نافخ ريشه لانه عارف شو بينحكى وراه
و شو ما حكى زياد الكل بيضحك
حتى لو حكى صباح الخير
***



كاتب العيلة او شاعر القعدةنقره لعرض الصورة في صفحة مستقلةنقره لعرض الصورة في صفحة مستقلة

بيكون عادة زلمة شوي كبير بالعمر من اللي بيعرفوا شو يعني كتب وقراءه
الزغار بيشوفوه ممل لانهم مش فاهمين شو بيحكي
والكبار بيقعدوا حوالية متظاهرين
انهم مهتمين و مبسوطين
***


نمامة العيلةنقره لعرض الصورة في صفحة مستقلةنقره لعرض الصورة في صفحة مستقلة


وهاي عادة بتكون زوجة احد الاعمام او اولاد العمام
ما بعرف ليش ما تسألوني
هاي اللي عندها الاخبار دايما
و اخبارها لازم تشيل نصها وتصدق نص اللي شلته
عشان توصل للحقيقة بتبهر وبتفلفل على خاطرها
وبتضيف من عندها بيحبوها النسوان وبيكرهوها وبنفس الوقت
بخافوا منها
بتحس هيه باهميتها لما حدا يسألها شو الاخبار
و بتفرد حالها وبتبلش تذيع وبالاخر بتقولك بالله ما تجيبي سيره
اني قلت لك انا شو خصني
بتعرفيني بمشي الحيط الحيط وبقول يا رب السترة
***

اغنياء العيلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة


كل عيلة فيها واحد بيكون اغنى من الكل
و بكل عيلة بتكون مرته مركز نظر النساوين شو لبست ووين راحت و شو عملت
و بتكون نمامة العيلة زي الدنب الها عشان تجيبلهم الخبر اليقين
بتحكي من طرف مناخيرها
و بتقعد عطرف الكرسي كانها قرفانة
و اذا بتضيفها اشي اما بترفضة او بتاخده بس ما بتاكله ع اساس انها شبعانة ببيتها
كلامها واحاديثها لا تتعدى شو عملت الفلبينية
و كيف تخانقت مع السيرلنكية
و اديش الشوفير منشف دمها
يعني كمان شوي بتحزن عليها
****

مصرف العيلة

نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة
بيقولك كل عيلة زي الحمام اله مصرف
(مش بنك بلاعة قصدي)
و مصرف العيلة هوه الشخص اللي بيجيب العار للعيله بعمايله السودا
بيستعروا منه بس برضه بخافوا منه لانه بايعها ومش فارقة معه
بيكون عادة صحبه مع زياد اللي بيشوف فيه مصدر هام للتنكيت
***

كبير العيلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة


و هذا اللي بدك تسد بوزك وتسمعه وهوه بيعيد القصة مره ورا مره
بحكيلك قصص ايام الحصيدة والثلجه الكبيره
ولما كان بالجيش
نص قصصه كذب بكذب
مش بقولو ما اكذب من شب تغرب الا ختيار ماتت اجياله؟
كان رح يشتري نص عبدون
والشميساني إنعرض علية بالف ليرة
لما كان كيلو اللحمة بعشرين قرش
***

متغرب العيلة
نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

كل عيلة فيها على الاقل واحد بالخليج
بيجي بالصيف والكل بيكون يستنى الهدايا
لما يوصل بيلاقي الكل متجمع والكل بيسلم عليه
و بتكون امه عامليتله ورق وكوسى
و شباب العيلة بينلموا واشتقنالك يا ابو الزوز
و شوفلنا شغل معاك والله اخوك مش لاقي يحلق
كانه المسكين صاحب شركه هناك
طبعا العرط بيشتغل من طرفه
و بحكيلك عن سيارته البورش وبيته وبيكون عايش مع تلاته بغرفه
بعد يومين بتلاقيه قاعد عالبلكونة بالفانله
لحاله بيشرب شاي
ولا حدا سائل فيه
و امه بالمطبخ بتعمل مجدرة
****

عزابي العيله
نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة:CEDP_Ste aler_55:

او الدون جوان النسونجي
بيكون حليوه (نسبيا طبعا
و بس يزور حدا من القرايب عندهم بنات بينضبوا
و بيصيروا يبصبصوا عليه من بعيد وبتشتغل المسجات
هدا بيكون عنده شوية غرور على شوية عجرفه
بقعد وبيحط اجر على اجر
و عادة بيصير عمرة فوق الاربعين وما تجوز
و بضل يشتري سيارات بي ام على امل انها تصيد
بكل قعده بحكي عن غرامياته وبيتجمعوا حاوليه شباب العيله
و بيصير يورجيهم صور ومسجات
برضة بيكون صحبه مع زياد ومصرف العيله وبيسهروا سوى
***

شقفة العيلة

نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة
احلى بنت بالعيله
بتكون محط انظار اولاد العم والخال بس هيه نظرها بعيد شوي
بتمشي يا ارض اشتدي ما عليكي قدي
و بتقعد مع نساوين العيله عشان يصيروا يمدحوا جمالها
برضه متل دون جوان العيله ما بعجبها العجب وبتطول لتتجوز
اذا تجوزت اصلا
ما بتكون صحبه مع بنات العيلة وبتلاقيها دايما في الاعراس
بتتلقط عريس من بعيد
من مبدأ نفسي فيه وتفو عليه
***

دكتور العيلة

نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

وهذا المسكين اللي ما بتهنى بقعده
بس يوصل لمحل بالتموا عليه ويما مش قادره وخواصري بتوجعني
و شوف يابا مبارح لما .... ( وبيصير يوشوش)
واللي بتنادي ابنها تعال ورجي الدكتور حلقك
هاتي معلقه يا غدير خلية يشوف حلق اخوكي
واللي بيعرض عليه روشتات دكاتره تانيه
و اللي بيجيبله صور اشعه
و االلي بقولوا شوفلي ضغطي
طبعا كل القاعدين بفحصوا ضغطهم بعده
و كل حياته بتكون هيك بغض النظر ان كانت زياره او عرس او حفلة
طبعا هوه ما بيقصر
يمكن يصير يقولك مين الحمار اللي اعطاك هادا الدوا ارميه وبكتبلك غيره
***

كمبيوترجي العيله


:patch_ordi::patch_ordi::patch_ordi:
هذا طبعا بعد طفرة الكمبيوتر صار له اهميه كبيره
بالاول كان الفاشل التافه اللي ما بيعرف اشي
وضعه متل دكتور العيله
وبتقول امه
بس ييجي علاء بيزبطلك الكومبيوتر
و الله ما في اشطر منه
مبارح خلانا نشوف عمر دياب
و بييجي علاء المسكين
شوف كمبيوتر ابن خالتك ريم اللعبه ما بتشتغل
و بيجي حموده ابن ريم وبيقعد يتفرج على علاء
مثله الاعلى بالحياة وهوه بيشغّل الكومبيوتر
و بينبهر حموده
و بيفهمه علاء انه عشان تقدر تلعب اللعبه يا حمار
لازم بالاول تشغّل الكومبيوتر
***

طفل العيله الموهوب



نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

هذا اللي بكل لمه بنادوه يغني
تعال عبود غني لعمو اغنية اليسا لو تشوفو كيف بغنيها
وطبعا في نوعين من عبود في عبود اللي بستحيش
و بتلاقيي قرفك وهوه بيعيد بالاغنية
وامه فرحانه فيه وكل شوي بتقول ما شا الله
كأنه ما حدا خلّف غيرها
او النوع اللي بتطلع روحك وامه بتقنعه يغني
ولك يلا ورجي العمو اديش انت شاطر
و بتصير انت بدك تخلص
بتقوله غني حبيبي بعطيك شوكالاطه
و بيكون بجيبتك شوكولا مفعصه من عرس قديم
بتورجيه اياها كنوع من الاغراء
و في حالة كان دكتورالعيله قاعد بيجي التهديد المباشر
إزا ما بتغني الدكتور بضربك ابرة
بتلاقيه صار يغني ونص اصابيعه بتمه
و بتصير امه تعطي اعذار وبتعصب عليه
عاد بالبيت طول نهارك تغني روح إنَئلع من وجهي
وهاي قصص العيل في الاردن




نقره لعرض الصورة في صفحة مستقلة

نقره لعرض الصورة في صفحة مستقلة يـــــا ليــــــــل يا اسمــــــــــرانــــــــينقره لعرض الصورة في صفحة مستقلة
  رد مع اقتباس
[ 03-01-2009 ]   رقم المشاركة 2

 

 

الصورة الرمزية laila

تاريخ التسجيل: Nov 2008

رقم العضوية: 484

المشاركات: 215

الدولة/المدينة: Amman

الارتفاع عن سطح البحر: 900 - 1000 متر

شكراً: 0
تم شكره مرة واحدة في مشاركة واحدة

افتراضي رد: قصص العائلات الاردنيه !!!

hahahahaha
نقره لعرض الصورة في صفحة مستقلة




  رد مع اقتباس
[ 03-01-2009 ]   رقم المشاركة 3

 

 

الصورة الرمزية M.MaKa7LeH

تاريخ التسجيل: Dec 2008

رقم العضوية: 652

المشاركات: 5,910

الدولة/المدينة: عمان _ المقابلين

الارتفاع عن سطح البحر: 930

شكراً: 7,485
تم شكره 1,869 مرة في 414 مشاركة

افتراضي رد: قصص العائلات الاردنيه !!!

هههههه كلامك صحيح كل العيل هيكنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة
نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة




نقره لعرض الصورة في صفحة مستقلة
  رد مع اقتباس
[ 03-01-2009 ]   رقم المشاركة 4

 

 

الصورة الرمزية ميسي

تاريخ التسجيل: Feb 2009

رقم العضوية: 1681

المشاركات: 340

الارتفاع عن سطح البحر: اقل من 500 متر

شكراً: 0
تم شكره 3 مرة في 3 مشاركة

افتراضي رد: قصص العائلات الاردنيه !!!

هههههههه

كلامك صحيح اخوي ميسي

نقره لعرض الصورة في صفحة مستقلة




  رد مع اقتباس
[ 03-01-2009 ]   رقم المشاركة 5

 Banned

 

الصورة الرمزية ammar10

تاريخ التسجيل: Sep 2008

رقم العضوية: 246

المشاركات: 1,607

الدولة/المدينة: ضاحية الياسمين

الارتفاع عن سطح البحر: 900 - 1000 متر

شكراً: 0
تم شكره 0 مرة في 0 مشاركة

افتراضي رد: قصص العائلات الاردنيه !!!

فش مناقشة كلام 100% نقره لعرض الصورة في صفحة مستقلةنقره لعرض الصورة في صفحة مستقلة




  رد مع اقتباس
[ 03-01-2009 ]   رقم المشاركة 6

 

 

الصورة الرمزية anas odah

تاريخ التسجيل: Feb 2009

رقم العضوية: 1387

المشاركات: 1,395

الدولة/المدينة: شرق عمان - جبل الجوفة

الارتفاع عن سطح البحر: 875

شكراً: 4,822
تم شكره 6,460 مرة في 916 مشاركة

افتراضي رد: قصص العائلات الاردنيه !!!

انا كمبيوترجي العيلة نقره لعرض الصورة في صفحة مستقلةنقره لعرض الصورة في صفحة مستقلة
هههههه والله يا عمي بيني وبينك نقره لعرض الصورة في صفحة مستقلة مزبوط
وكمان انا عزابي بس مش زي الي انت كاتبه ...يعني اشي ومنه
مشششششككككككككوووووووورررررررر




{وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ}
  رد مع اقتباس
[ 03-01-2009 ]   رقم المشاركة 7

مراسل طقس العرب من غرب السلط / الطف

 مشرف قسم الطقس

 

الصورة الرمزية Mutaz Al-Hanouty

تاريخ التسجيل: Nov 2008

رقم العضوية: 584

المشاركات: 18,860

الدولة/المدينة: Innsbruck - Österrich

الارتفاع عن سطح البحر: 500 - 600 متر

شكراً: 8,250
تم شكره 47,704 مرة في 6,220 مشاركة

افتراضي رد: قصص العائلات الاردنيه !!!

عنجد انك مبدع يا ميسي ، وكأنك تصف الوضع في عياتي

بس كمبوترجي العيلة بخرب الكمبوتر ما بزبطة

زما في عندنا شقف بالعيلة (للأسف)

بس والله انك مبدع جدا تبارك الله

احلى شي

كبير العيلة


و هذا اللي بدك تسد بوزك وتسمعه وهوه بيعيد القصة مره ورا مره
بحكيلك قصص ايام الحصيدة والثلجه الكبيره
ولما كان بالجيش
نص قصصه كذب بكذب
مش بقولو ما اكذب من شب تغرب الا ختيار ماتت اجياله؟
كان رح يشتري نص عبدون
والشميساني إنعرض علية بالف ليرة
لما كان كيلو اللحمة بعشرين قرش
***

متل جدتي بالزبط لما تقعد معي بتصير تحكيلي عن ايام فلسطين وكيف البرتقال وكيف الساحل و انا طبعا بتقهر ....... وبصير اعيط و ما بترك مسبة على اليهود الا بسبها




نقره لعرض الصورة في صفحة مستقلة

From far and wide,
O Canada, we stand on guard for thee.
  رد مع اقتباس
[ 03-01-2009 ]   رقم المشاركة 8

 

 

الصورة الرمزية ليونيل ميسي

تاريخ التسجيل: Feb 2009

رقم العضوية: 1444

المشاركات: 174

الدولة/المدينة: الياسمين

الارتفاع عن سطح البحر: 950-1000متر

شكراً: 0
تم شكره 0 مرة في 0 مشاركة

افتراضي رد: قصص العائلات الاردنيه !!!

ههههههههههههههههههههههههههههههههههههههههههههههههه


كلامك صحيح كل العيل بتعمل هيك مافي مناقشة 100% نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

نقره لعرض الصورة في صفحة مستقلةنقره لعرض الصورة في صفحة مستقلة




  رد مع اقتباس
[ 03-02-2009 ]   رقم المشاركة 9

 

 

الصورة الرمزية هبه جاسر

تاريخ التسجيل: Nov 2008

رقم العضوية: 561

المشاركات: 628

الارتفاع عن سطح البحر: 900 - 1000 متر

شكراً: 0
تم شكره 2 مرة في 2 مشاركة

افتراضي رد: قصص العائلات الاردنيه !!!

هههههههههههههههههههههههههههههههه
كلامك صح 100%
نقره لعرض الصورة في صفحة مستقلة




  رد مع اقتباس
[ 03-02-2009 ]   رقم المشاركة 10

 المشرف و المراقب العام لمنتديات طقس العرب

 

الصورة الرمزية Osama Tarifi

تاريخ التسجيل: Sep 2008

رقم العضوية: 204

المشاركات: 11,645

الدولة/المدينة: amman

الارتفاع عن سطح البحر: 900 - 1000 متر

شكراً: 1,713
تم شكره 11,001 مرة في 1,217 مشاركة

افتراضي رد: قصص العائلات الاردنيه !!!

يسلموا جميعا على المرور

انا مني وعلي انا الشخص اللي بيسلي العيله ( النهفه )

نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة:kekek eke:




نقره لعرض الصورة في صفحة مستقلة

نقره لعرض الصورة في صفحة مستقلة يـــــا ليــــــــل يا اسمــــــــــرانــــــــينقره لعرض الصورة في صفحة مستقلة
  رد مع اقتباس
رد


أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع إلى


جميع الأوقات بتوقيت GMT +3. الساعة الآن 08:26 PM.