نحو وعي غمازي وطني

تخيلوه موضوعا لاحدى تلك الندوات التي يجلس فيها المشاركين على كراسي احدى القاعات في عز الصيف ويكون هناك 3 اشخاص على المنصة وامام كل واحد منهم علبة عصير وعلبة مي واذا بعزقوا صحن بقلاوة وبشرحوا عن الموضوع ولا حدا من الحضور صاحي كلهم عينهم على كاسة المي المهم........... ما علينا بنرجع للموضوع كبداية تعريفية وتذكير للبعض الغماز انه ذلك الشيء ابو ذراع الذي يوجد تحت الطارة (الستيرينغ) كان فيما مضى يسمى غماز ابن فلشر الرباعي......... عليه رحمة الله هذه هي حكاية غماز بين الحاضر والماضي ورؤية مستقبلية لحياته المتوقعة لماذا هذا النسيان لاحد الاجزاء المهمة للسيارة......يعني متل ما بتتذكروا الضو العالي وبتعموا ضو العالم فيه بالليل تذكروا الغماز المسكين اللي اشتكى حاله من قلة الاستخدام "يا ظالمني" ما شاء الله فيه ناس بتعتبره من الكماليات والكمال لله بقولك في اقتراح لكبرى شركات السيارات يقترح الغاء الغمازات من السيارات المصدرة للمنطقة لتخفيض النفقات المهم مرة كنت راكب مع صاحبي فبحكيلي طل على هظاك ما اتيسه قطع من اقصى اليمين لليسار بدون اشارة او غماز حكيتله يعني انته ما شاء الله بتستعمله دايما , فحكالي لع.. وبحكيلي انه اخر مرة استخدم الغماز لما رخص السيارة قبل سنة !!!!!!!! أنداري فلذلك أنا بقترح انشاء يوم غمازي وطني نحو وعي غمازي تحت شعار غمز يابه غمز مش بدها هيك بالله قال غماز قال............ بالله ما احنا فاضيين ......... وهذا اللي اجاك يا حفيظ السلامة

هههههههههههههههههههه معك حق حلوة و أقترح يوم وطني لنسيان الزامور

بدها ايام وطنية يا خوي هههههههه