مناقشة الأحوال الجوية الحاليه والمتوقعه خلال شهر كانون الأول 2020

حازم مابدنا عواصف ثلجيه قابلين ب نص سم او اقلك نشوفه بالجو نعمه الي بسمع بقول متعودين عالعواصف الثلجيه ههههههه

طيب حازم ليش انت جزمت فش عاصفه؟ بعدين نفسي مره تحط والله اعلم او باذن الله شغله اخيره في اخطاء كانت بدراستك فهذا لايعني ابدا موضوع لاعواصف ثلجيه تزبط معك .... صح ؟ انا بحبك كشخص وبحترم جداااااااااا جهدك وعلمك بس لا تستخف فينا هون او تتمنى عكس المتوقع لتنجح دراستك صدقني زي مابقلك دراستك قوية ومحترمه بس فيها فجوات مرعبه ... سقطات كارثيه وقف عندها .... وانا لازلت بقلك اني من محبينك

اقتباس: المشاركة الأصلية كتبت بواسطة جودت علي  احلى توقعات والله عسبحانيه ََوكانت مواسم خير وبركه فوت عالفيس شوف الولدنه والكلام الفاضي كلها عامله حالها اخصائيه طقس وهمو مابعرفو الخمسه من الطمسه الله يديم هالمنتدى في ناس بتفهم وبتوخذ منها الصافي للاسف كل واحد بده يعمل سبق صحفي وانه ابو العريف اول ما يشوف جفس رسمله نزول بفضح الدنيا وتحديث المسا برجع بحكيلك للاسف شرق او غرب ، الله يرحم ايام ما كنا نصحى نلاقي الدنيا بيضا

هلا حازم مثابر وشاطر ودراسته الله اعلم على شو بتعتد هادا شأنه وسر المهنة تبعته متل ما قال بس يعني بالماضي كان كورونا قطبية وماتزبط هلا لا عواصف ثلجية واحتمالات كبيرة تزبط لانو قليل لتمرق علينا عاصفة ثلجية

يا رب ثلج بالهوى بدنا نجرب ضو عمدان شارع الاستقلال الجديده ، اول ما شفتها ما همني الشارع ضاوي ولا غيره اجا ببالي وانا صاحي بنص الليل من تحت اللحاف بوخذ لفحة هوى عالشباك الغربي براقب عالضو

درجات الحرارة حاليا حسب محطات طقس العرب من الاقل الى الاعلى هي : عجلون-عنجره 5.5 رجم الشوف 5.8 الرشادية 5.9 الكرك 6.1 الطيبه الجنوبيه 6.8 مرج الحمام 7.4 العيص-الطفيلة 7.6 معان 7.7 السلط -الطف 7.7

اقتباس: المشاركة الأصلية كتبت بواسطة حازم حداد  تحياتي حسب المؤشر 1.75 سم خلال 24 ساعه وهو الاعلى للموسم بشهر 1 نتمنى ذلك لكن ( ذكرتها لكم لا عواصف ثلجيه لهذا الموسم) يعني بدنا نصير نقيس سماكة الثلج بالكليبر

بما أنه لا يوجد فعاليات جوية محرزة في الأيام القادمة عندي سؤال للجميع هل كان الضغط الجوي قبل 100 سنة كما هو اليوم يستهلك العالم حوالي 96 مليون برميل نفط يوميا وحرق هذه الكميات ينتج عنه ملايين الأطنان من الغازات يوميا وهذا الغازات تضاف للغلاف الجوي ، ناهيك عن حرق الفحم الحجري بملايين الأطنان يعني بالمنطق الضغط الجوي قبل 100 سنة كان اقل بكثير من هذه الأيام والسؤال الثاني هل حرق كل هذه الكميات من الوقود له أثر على حرارة كوكب الأرض

بالرجوع الى ارشيف الدراسة تبين ان ١٦-١-٢٠١٩ التي تساقطت الثلوج فيها و تراكم حوالي ١٠ سم بالعاصمة عمان و تعطلت الدوائر على اثرها ، و كانت الدراسة لا تشير الى ذلك اطلاقا و تم حصول الاخ المحترم على باند في حينها ، لجزمه انه هو الذي يعلم و لا يخطئ ان بقي الحال على ما هو عليه ، اسلوب التحدي المقزز ، فانني اتوقع عودة باند جديد لتحدي قدرة الخالق نقطة ، رفع القلم