اقتباس: المشاركة الأصلية كتبت بواسطة كاسترو
تحياتي لك اخي عدي انا لا اعتقد ان احد من الاعضاء يقصد الاساءة او التعليق الجارح ربما تكون الطريقة في التعبير فقط من احد الاعضاء غير ملائمة
ونحن اخي قدرات وليس جميع الاعضاء عندهم الخبرة الكافية هناك المبتدئين وهناك من له باع طويل في عملية تحليل النماذج بناء على اسس علمية وليس على اساس المشاهدة فقط التحليلات الجوية بحاجة اخي الى خبرة ودراية علمية بالتاكيد والانسان لا يمكن ان يكون بين يوم وليلة خبير ارصاد جوية هذه هواية ومن ينتسب الى منتدى بالتاكيد عنده حب لهوايته وللثلوج والامطار ويريد ان يمارسها من خلال المنتديات والاعضاء يتبادلون الخبرات لسنا كلنا خبراء وقدراتنا متفاوتة بالتاكيد ومن لا يعرف يسال والانسان لا يمكن ان يتعلم اذا لم يسال واذا لم يخطأ ايضا فمجال الخطا اخي موجود عند الجميع دون استثناء وبنسب متفاوتة والنماذج نفسها تخطئ في تحليلاتها وهي مبنية ومرسومة على اعقد الاجهزة والانظمة العلمية الحديثة وخبراء مختصون يخطئون في توقعاتهم اصلا من اسمها توقعات والتوقع اخي فيه الخطأ والصواب ...... واي تعليق اخي عدي يجب ان لايثنيك ولا يثني احد عن الكتابة والتحليل والتوقع ايضا بطرق علمية صحيحة مبنية على الادلة ..... وتقبل الانتقادات بصدر رحب ..... وتقبل مروري اخي عدي
|
اقتباس: المشاركة الأصلية كتبت بواسطة abo naber
صديقي عدي
اولا ما تستهين بحالك صحيح كل واحد بعرف قدراته لكن التطور يلزمه جراة والجراة فيها مخاطرة والمخاطرة فيها نسبة اخفاق اكبر
لكن من دونها صعب التطور وصعب اثبات الذات وما تحسب حساب غير لربك طالما انت مش عامل اشي غلط
لهيك انا بقللك احكي اللي عندك وعبر عن اللي داخلك لانو هالاشي رح يفيدك وشاركنا بتحليلاتك احتكاكنا مع بعض هو اللي فادنا
حتى لو كان تحليل خاطىء احنا هون منتعلم ومعظمنا متنبئين واكيد ما حد رح يحاسبك مدامك ماشي صح
والله العظيم لما ارجع لمشاركاتي السابقة انو بضحك من قلبي كنت مش فاهم اشي كلو في ثلج ؟؟؟ و بتنفخ !!
بس بالاخطاء والدعك الواحد بصير احسن
كبار المحللين اخفقو وانجرفوا وخالفوا شيء طبيعي هاي طبيعة الانسان ... واعتقد ما في حد بدو يجرحك وان شاء الله ما منخذلك
تحياتي لك صديقي !
|
اسعد الله صباحكم يا شباب
يا اخوان الهجوم مش بس علي وما كنت بس قاصد حالي في الكلام
في ناس افهم مني هم اللي اكلوا النصيب , والقصة صارت تحديني من جماعة ضد جماعة ولسخافة العقول
اصغر واحد فينا احنا اللي بنحاول نتنبأ بكون من مواليد الــ 85 , يعني مش فاضيين كلام ولاد صغار عشان هاد يحكي وهاد يجاكر وهدول يتفقوا
احنا بس كان هدفنا وانا متأكد من هالشي انه بس لو المحللين يشدوّا علينا احنا بالذات عشان نتعلم تحليل الخرائط بصورة واقعية وسلسة ومن غير تعقيدات
طبعاً زي ما حكى اخوي ابو النبر الاحتكاك سبب رئيسي لتصير تفهم بهيك مجال بس انت يابو النبر شايف كيف الاحتكاك سوى فينا
يا بتطلع كذاب او بتطلع ولد واحد من الاثنين
صديقي محمد حواري (على ما اعتقد اسمه) اخطأ بتحليل خريطة و والله اني انا حللتها بعقلي زي مهو حللها بالنسبة للمنخفض واتجاهه وطلع تحليلنا خطأ بس الكلام الزيادة مش حلو من البعض
عنا مشرفين واعضاء برفعوا الراس صراحة ومهما حصلت اخطاء ولو كانت كبيرة في التوقعات الا انه اسلوب النقد علمي وجميل وبكون في محبة مش (مدبة)
يعني محمود منور ما بخفيك انه قبل ما اشوف شو كاتب بتعليقه بنزل اخر التعليق وبعمل شكراً لانه بقعد ساعتين وهو يفكر شو يكتب ويراجع المشاركة الف مرة عشان احنا نستفيد مع انه بعضنا لا يستحق الافادة وخاصة من هذا الرجل الصبور واخونا معتز شعاع الشمس وغيرهم الكثير الكثير
يا اخواني اللي مضى ما راح يرجع وان شاء الله الخير بالجايات
والله كريم