أقوى منخفض قطبي أثر على الشرق الأوسط

شكراً كتير الك اخي الكريم على هذا المجهود الطيب وفعلاً يبدو من الخرائط انها كانت عاصفة ثلجية تاريخية وطويلة كمان الايام هاي اذا اجت تلجة بتيجي كم ساعة والسلام ان شاء الله ربنا بعتلنا ربعها وليوم واحد بتلج مستمر واحنا بألف خير انا شهدت سنة 1992 وكنت بالصف العاشر ايامها ما احلاها من سنة سبع عواصف تلجية والجو كان غير شكل وكنا نستنا الاخبار الساعة 8 تخلص مشان تيجي النشرة الجوية علي عبندة (رحمه الله) وبعدين بآخر الاخبار بطلع المذيع وبيقول جميع الطرق في المملكة مغلقة بسبب تراكم الثلوج يا سلام ، الله عهديك الايام كنت اطلع عالمدرسة البس بلوزتين وبنطلونين وجاكيت والف راسي بحطة تحياتي

والله يا اخوان اللي محيرني انو ع اساس تم انشاء الخرائط لسنه 1950 وما قبل يعني في كان توثيق للمعلومات وللا بناء ع الاقاويل و الشهود الي كانو موجودين ؟؟

حكالي عنها أبوي الله يرحمه.. طلع بأول ما بلشت تثلج يشتري خبز، بنص الطريق طارت الدنيا بيضاء من شدة التساقط وصار معه عمى ثلج (لأنه كل شيء أمامه أبيض).. طبعا بكون عمى مؤقت!! ولولا رحمة الله كان ما تعرفتوا علي الله يعيده علينا بالأقوى إن شاء الله..

ربك كبير (ولا تقنطوا من رحمة الله)

أنا رح أحط تحليل ان شاء الله غدا لأن ميت نعس وبدي أنام :jfjgfjdg::jfjgfjdg::jfjgfjdg:

انا اتذكرتها كويس هههههههههههههههه الله يرزقنا بواحد مثله وعلى فكره نادر ان تحصل هكذا موضوع رااائع

اكيد هالعاصفه انحرفت عن مسارها الاصلي و اثرت علينا...........والله شايفلكم يا اخوان ان المنخفضات القطبيه الشديده اصبحت بالارشيف و صعب تنعاد مره اخرى طبعا كل شئ بيد الله بس انا بتكلم عن الواقع الذي اعيش فيه

الا يوجد صور للعاصفة ؟؟؟؟

بارك الله فيك أخي على اضافتك سنناقش ما حدث خلال لعام 1950 بما يتوفر لدينا من بيانات الموجه التي أثرت على المنطقه درجات حراره ادنى من معدلاتها على شرق المتوسط خلال فبراير وضع ايجابي للتذبذب القطب في بدايه العام 1950 وضع ايجابي للتذبذب شمال الاطلسي في بدايه العا م1950 سنناقش ذلك بشكل موسع حال توفر الوقت

شكلي رح اموت من الحسرة بارك الله فيك يا طيب