كيف تعرفت على موقع طقس الاردن ؟؟

بالنسبة الي ، الي ذكريات و لا أروع هون ، اسئل اللي كانو متواجدين بالصيف ، المهم يا معلم ، بالبداية كنت أشوف دايما حالة الطقس من الأرصاد الجوية عن طريق غوغل و كان هذا الموقع ( مش المنتدى) ترتيبو الثاني بعد دائرة الأرصاد الجوية ، و لأني عندي حب فضول دخلت على الموقع و بلشت أتابع ، و لأنو برضو عندي حب فضول فتت على المنتدى بس ما سجلت كنت أطلع من بعيد ( ملاحظة : هالحكي بشهر واحد و 2 2009 ) و بشهر 2 سجلت ، بس ما كنت أشارك بركي لأني أول مرة بشترك بمنتدى طقس ، المهم ضليت أفوت و أطلع لشهر 5 ، بعديها تولدت عندي الرغبة للمشاركة بعد ما أخذت على المنتدى و حبيت الوضع و لأنو برضو الطقس من هواياتي ( المتابعة ) ، و الحب من أول نظرة كان واضح ، فبلشت أشارك ، وصرت عضو مشارك و متفاعل و صار عندي انتماء لهون و الحمد لله ، بركي أعمل موضوع عن مغامراتي على فكرة . و مشكور على الموضوع. على فكرة شكلنا بنفكر زي بعض ، لأنو مبارح بالليل كنت أفكر عن أول مرة اشتركت بالمنتدى و كنت حابب أعمل موضوع ، بس سبقتني.

اقتباس: المشاركة الأصلية كتبت بواسطة MHM0071  بالنسبة الي ، الي ذكريات و لا أروع هون ، اسئل اللي كانو متواجدين بالصيف ، المهم يا معلم ، بالبداية كنت أشوف دايما حالة الطقس من الأرصاد الجوية عن طريق غوغل و كان هذا الموقع ( مش المنتدى) ترتيبو الثاني بعد دائرة الأرصاد الجوية ، و لأني عندي حب فضول دخلت على الموقع و بلشت أتابع ، و لأنو برضو عندي حب فضول فتت على المنتدى بس ما سجلت كنت أطلع من بعيد ( ملاحظة : هالحكي بشهر واحد و 2 2009 ) و بشهر 2 سجلت ، بس ما كنت أشارك بركي لأني أول مرة بشترك بمنتدى طقس ، المهم ضليت أفوت و أطلع لشهر 5 ، بعديها تولدت عندي الرغبة للمشاركة بعد ما أخذت على المنتدى و حبيت الوضع و لأنو برضو الطقس من هواياتي ( المتابعة ) ، و الحب من أول نظرة كان واضح ، فبلشت أشارك ، وصرت عضو مشارك و متفاعل و صار عندي انتماء لهون و الحمد لله ، بركي أعمل موضوع عن مغامراتي على فكرة . و مشكور على الموضوع. على فكرة شكلنا بنفكر زي بعض ، لأنو مبارح بالليل كنت أفكر عن أول مرة اشتركت بالمنتدى و كنت حابب أعمل موضوع ، بس سبقتني. مشكور على المرور محمد والله ذكريات رائعه وبخصوص التفكير انا والله بفكر من زمان و كنت بدي اعمل الموضوع امبارح بس عملت موضوع الطلعه اللي حاكمنا ميسي فيه وما بسير اعمل اكثر من موضوع بنفس اليوم

انا والله اتعرفت على الموقع من واحد قرايبي اسمه مهند خليفات..

بدك الصراحة الموضوع رائع جدا جدا شكرا ابو العز و بالنسبة الي :: هيك كانت قصتي : في شهر 11/2008 م كنت في السلط ، طبعا كنت توجيهي و أدرس ، فأخذت بريك دراسي و طلعت على البلكونة و شفت انه الجو صار فيه غيوم كثيرة صراحة اتفاجأت فرحت على الانترنت و فتت على موقع دائرة الأرصاد الجوية الأردنية و شفت الحكي ، كانن سطرين وما شرحنلي قلبي ، فتت على موقع Google و بلشت بالكلمات المفتاحية المختلفة مثل طقس عمان او Amman weather ، ربنا هداني لكلمة مفتاحية jordan weather ،، فكان أول خيار بحثي jordanweather.jo عرفت أنه أردني من الامتداد .jo قلت خليني أفوت عليه و أشوفه ،، صراحة اتفاجأت بالمعلومات يلي شفتها فيه ، وشفت كيف بصف الحالة الجوية المتوقعة بشكل دقيق و بعطي التوقع لكل مدن الأردن لل5 أيام و لعمان لل10 أيام و بعطي معلومات كثيرة ،، عجبني الموقع كثير و سجلته على الفيفرت ، بعدين وانا أتصفح بالموقع شفت منتدى طقس الأردن ، ضغطت عليها و سجلت عضويتي و خلال ساعة وحدة كانت العضوية مقبولة في المنتدى وهاي هي كل القصة هسع صرت ثاني اعلى المشاركين بعد تبرررق و ترررعد وعن قريب ان شاء الله رح أطلع و تصير مشاركاتي اعلى منك يا ابراهيم على راسي يا ابراهيم و على راسي يا معتز و على راسي كل الشباب الطيبة

مشكور على المرور ابو العز و ذكريات جميله والله

اقتباس: المشاركة الأصلية كتبت بواسطة hunterzezo  مشكور على المرور ابو العز و ذكريات جميله والله هلا عمي

مشكور يا معتز موضوع جميل ويستحق التثبيت

اقتباس: المشاركة الأصلية كتبت بواسطة SNOW  مشكور يا معتز موضوع جميل ويستحق التثبيت مشكور اخي سنو على تثبيت الموضوع وباذن الله نشاهد قصص كل الاعضاء ال 4100ى وكيف تعرفوا على الموقع الرائع بجهودكم

أنا تعرف على الموقع عن طريق موقع عمون الإخباري ماكنت مسجل بالمنتدى وزاد تعرفي في لما كنت أسمع للوكيل الصبح وكان يعمل مقابلات مع الأخ محمد عن جد كانت فرصه سعيده إنا عرفنا الموقع

صباح الخير ... موضوع رائع والله انا تعرفت على الموقع مش ذاكر بس اتوقع اول مافتح الموقع قبل الاعلامي الوكيل كنت اشارك في المنتدى كان الاعضاء عددهم لا يتجاوز ال 100 ذكريات رائعة جدا ان شاء الله بصير الموقع الاول عالميا .....