فلسطيني ممنوع تعيش

قصيدة عجبتني كثير وارجو تنال اعجابكم وما تنسوني من ردودكم فلسطيني ممنوع تعيش قالولك أسكت متحكيش .. إنتا خلقت للتلطيش للحواجز للمصايب للتفتيش كتبوا عجبينك ينداس ..من الضابط حتى الشاويش فلسطيني وممنوع تثور.. ومش مسموح تكون منصور إيّاك إطالب بحئك ..إوعا بيوم تشوف النور ممنوع تجدد هوية ..ممنوع تجدد باسبور فلسطيني وبدك تتعلم .. هاي شغلة ضد الدستور فلسطيني ولازم تتألم ..من دون ما يشوفك دكتور فلسطيني وممنوع تتقلم.. ولا يطلع بجناحك ريش فلسطيني ممنوع تعيش فلسطيني وإن في سفريات ..إسمك بالاحمر مكتوب وعشباك مصلحة الجوازات ..كتبواعجبينك مطلوب لازم بتوئف ساعات.. مذنب أو من دون ذنوب ويتوجهلك إتهامات ..إنك سبب كل الحروب قال بسببك الحد مات..والعدل بوطنك مسلوب وكأنك سبب كل النكسات..وكل أزمات الشعوب وكأنو بسببك محتل فات..عالاقصى بلحظة الغروب ودبّح صبيان وبنات .. وعجّز على أمرا مغلوب فلسطيني ممنوع تعيش.. هادي دنيا بس للخفافيش فبدك تشوف هنا هموم..تابع كل شي عنا قبل النوم مذيع معصب وكلو هموم ..نبأ عاجل يا أهل الله هدّوا بيوت برامالله حكامنا قاموا اسمالله..يتصلو فبوش يقوم وبسيفو يحمي المظلوم..حكامنا اتصلو بكوفي عنان قالولو يا خينا الاسلام إنهان..إن كنلك فوته عالامريكان وإلك منا كم خزان حكامنا اتصلو بجاك شيراك ..قالولو يا خينا ما إلنا سواك إن كنلك فوته على توني بلير..بلكن تقنعوا يقنع بابا بلكن بابا بيقنع موسكو..بلكن موسكو بتقنع بوش بلكن بوش بيقنع أولمرت..وتردوا الأقصى لصحابوا وتحموا الشعب الغلبان نبأ عاجل يا أهل الله ..حكامنا العوض على الله وحدتنا يا ناس..أصبحت فضائيات ألف دش فوق روسنا ضاوي..شو يفيد البث الحي لشعب مات وبألف تلفزيون شو يساوي..قضيتنا أصبحت عربسات ونشيد الوطن تحول غناوي ..وإزا مش عاجبك هالمحطه حول عالنايلسات حتى تسمع للسيد مكاوي اصلو الوطن تحول محطات.. وصارت كرامتنا فتاوي يا وطن مسجون جوا الشاشات..عم تبكي وصوتك بالفضا داوي أهلك من النيل حتى الفرات ..متلك مساجين بس بقهاوي فيا خوفي من الحجه الجاي تكون الحجه صعبه وبحجة مكافحة الإرهاب يحطو حارس عالكعبه ويصيرو يصفونا صفوف ..وناخد إزن حتى نطوف ويحققوا مع كل خروف..رايح يندبح أضحيه وبوش يصدر قانون..ممضي من البنتاجون إلي بيرجم إبليس الملعون بكون ضد النازية ونصير نطلع على عرفات ..واحد واحد مش دفعات وناخد ليستا بالدعوات ..من البيت الأبيض ممضيه وبوش يقدم إحتجاج..يطالب بأضحية الحجاج تكون ثمن للأبراج ..إلي وقعت بالصيفيه يا شقاقي بلّغ عياش..أمتنا فمبنى الإنعاش فلسطيني ممنوع تعيش

الــــــــــــــــــــــشاعر بلال عبد الله