الأخيرة
شيخة الحور وقمرهن
بيضهن واحلى سمرهن
واجمل اجمل من عرفت من العذارى
واكمل اكمل من مشت بين العذارى
والمحال الممكن الصعب السهل
والبعيد اللي وصل
الاخيره
*****
ريحيني من ابو زيد الهلالي
والملوح قيس
واقلبي التاريخ في عيوني تعالي
اشرقي بلقيس .
امنحيني في الشهر حصة غرام
درسيني في مجازات الكلام
علميني الفرق
بين المبتدا.. وبين الختام
بالمواعيد الأخيرة
الأخيرة
*****
من شمال أقبلت اسابق في طموحي
احسب العليا طموحي
احسب القصوى طموحي
لين جيتي وابتدا فعلاً طموحي .
وانغرستي بين مااشوفه وشوفي
وأنغرستي بين رغباتي وعزوفي
وبين جثماني وروحي .
كنك بصوتي الحروف الابجدية
والملامح والهوية
والتعابير الصغيرة و العشيره
صدقيني ..
انتي اول من عشقت من النسا وانتي الاخيرة
******
ازعلي مااقول حدّك
سافري في كل وقت لديرة عنادك وصدك
انزفيني
وأعزفيني
عاتبيني وش يردك ??
اه يازين العتب لامن تحدر فوق خدك !!
واه ياحلو الرضى عقب انفعالاتك وشّدك
كل انثى غيرك بعيني سراب
وكل منفى غيرك أوجاع وعذاب
وكل درب غير دربك ما أبيه
وكل حب غير حبك ما أبيه
وكل طير ماشدى باسمك كذوب
وكل شاعر ماقصد لاجلك لعوب
وكل عين ماقرت حسنك ضريره
سيرتك اغلى كتاب
وبيدي الطبعة الاخيرة
اروع واجمل ما غنى عمر العبد اللات الاخيره كلمات الشاعر : صالح الشادي