ذكريات وقصص مع الثلج..

عن جد قصص ممتعة إن شاء الله يجينا زي هيك منخفضات السنة حتى نظل نحكي فيها على طول

سنة 1980 كنت انا صف اول ابتدائي بذكر صحيت بشهر شباط بس كان يوم مش عادي الدنيا بيضلء تماما وطبعا الناس بالزرقا مش متعودين ابدا على هيك منظر بجوز ماحدا يصدق ظلت الدنيا يومين بيضه والناس شباب وبنات كبار وصغار يلعبو بالثلج مش عارف ليش ضليت استنا من هظاك اليوم الثلج كل سنه بس للاسف كل سنه ما كان يجي ثلج في الزرقا كنت اطلع على عجلون عشان اشوفه حتى اجت الثلجه المشهوره سنة 1992 وكانت فرحة عندي ما الها مثيل ان شالله عندي احساس ان السنه هاي رح اشوف منخفض مشابهه

مرحبا يا شباب ... سنه الــ2008 المنخفض الجوي العميق القطبي من الاخر كان ... التساقط الثلجي الغزير الفعلي كان يوم الخميس وليس يوم الاربعاء فوق الـ840متر بالفيصليه ... يوم الاحد قبل المنخفض بيومين : سمعت من الشباب انو في ثلج يوم الاربعاء والخميس والجمعه والله قولو صدقنا , بعد بيوم بعثت مسج من التلفون على خدمات "orange" مشان الـweather واعطاني ثلوج الاربعاء والخميس والجمعه على شكل عاصفه ثلجيه والله يا شباب الفرحه ما وسعتني !!! والله ... اجا يوم الاربعاء !! اييييييييييييه ولا حبة ثلج نزلت !! حكا معي خالي وحكالي هي ام لاسماق بلش اتراكم فيها ! والله يا شباب نمت وانا زعلان كثير ... نمت وانا زعلان ومسطوح ولدكم الصراحه " بكـــيت " لانو ما نزل ثلج لاني جد كنت منتظره !! المهم ... يوم الخميس ثاني يوم والله كان الجو الصبح بارد كثير وطول اليوم وانا نايم ع الشباك بستنا الجنرال يزورنا ...خالي صورلي صور ووداهم ع الايميل للثلج وصار يقهر فيا !! المهم يا هابين الريح , ابن عمتي بدو يسافر ع اميركا يوم الخميس بالليل على الساعه 7 مساءاً ... رحنا انا وأبوي عليه نسلم عليه , قعدنا عندهم , وطول ما احنا قاعدين واانا بتفرج ع الطقس بالخارج !! والله فجأة بلش تساقط غزيييييييييييير جداً جداً جداً للمطر والبـــرًد قول انا انبسطت لانو بدايه الغيث قطره مثل ما بحكو ... والله استمرت الامطار الغزيره 1ساعه كامله تقريباً .... الزلمه سافر الله يساهل عليه ,,, وانا وابوي روحنا ع البيت ... قعدت عند امي ع الـ8 بالزبط وعيوني مدمعات بدي اصيح من القهر !! وبلشت اغلط ع الارصاد وعلى الطقس ودنيا وعالم والله بالصدفه فتحت ع محمد الوكيل كان في تغطيه مباشره وحكا هي الثلوج بلشت بقوة بالسلط ولله الحمد ... لانو امي تحكيلي خلص يا عويد هي الثلوج قربت انبسط ... والله انا انبسطت شوي وبلشت اتفائل ... على الـ8.20دقيقه بالزبط واذكرها حالياً ... تحول الهطول المطري الغزير الى ثلوج غزيييره والله يا عرررررب كييييييييييييييييييييييييييييييييييييييييييييييييي يييييييييييييييييييييييفت وفرحت ... والله طلعت والثلج يهطل علي مباشره وكيفت يا شباب .... نمت على الـ12 بالزبط وكان الثلوج متراكم 7سم تقريباً ... وققت التلفون ع الساعه 7 بالزبط ... صحيت لقيت الجرافات وكاسحات الثلوج بتقيم الثلج عن الطريق وارتفاع الثلوج كان تقريباً 17 - 20 سم ولله الحمد ولقد ارفقت صور للعاصفه الثلجيه على ما اذكر لعبنا وعملنا هوشه لانو كنا نغش باللعبه نحط حجار بكرات الثلج " حركه نجاسه " تحياتي شباب !

ليش انا زيك عايد إنجلطت كل عمان ثلج وإحنا كنا في عالم آخر وقتها حكالي الدكتور أيمن إنو التيار النكد خرب على مادبا الهطول وأنا بحكي شو هذا التيار شو قصتو بعدين لما صرت أعرف فهمت القصة ثاني اليوم عن جد كانت عاصفة مميزة والثلج كان كثيف بشكل مش طبيعي حتى بذكر إنو ضربت مادبا عاصفة رعدية وبرقية فجرا على الساعة 2:00 على أثرها إزداد حجم الثلج وإنقطعت الكهرباء بس كانت الدنيا وكأنها نهار من بياض الثلج المتراكم يا رب تكرر مثل هيك عواصف طبعا بدون التيار النكد

يا رب يا غيث تنعاد هذيك الايام !! شعور بجنن وانتا تحت الثلج والثلج غزييييييييييييير

الحمد لله على كل حال يا غيث ... والسنه هاي ان شاء الله نفرح بالثلوج جميعاً حتى الاغوار راح تفرح خخخخخخخخخخخخ بالصقيع :)

ذكريات جميله واليكم التراكمات الثلجيه في الشجرة التي ترتفع 460 متر 1992 اثلجت 4 مرات 4سم 8سم 15 سم 90 سم 1993-1997 ثلوج خفيفه 1998 7سم 2000 1سم 2001 ثلوج خفيفه 2002 4سم 2003 4سم 2سم 2004 5سم 2005 10سم 2006-2007 ثلوج خفيفه 2008 1سم 5سم 2009-2010 لا ثلوج

اقتباس: المشاركة الأصلية كتبت بواسطة جواد الشجراوي  ذكريات جميله واليكم التراكمات الثلجيه في الشجرة التي ترتفع 460 متر 1992 اثلجت 4 مرات 4سم 8سم 15 سم 90 سم 1993-1997 ثلوج خفيفه 1998 7سم 2000 1سم 2001 ثلوج خفيفه 2002 4سم 2003 4سم 2سم 2004 5سم 2005 10سم 2006-2007 ثلوج خفيفه 2008 1سم 5سم 2009-2010 لا ثلوج شكرا جزيلا لك عزيزي جـــواد بالفعل لواء الرمثا خلال الأعوام بين 2000 و 2008 كان بتعرض في كل شتاء الى تساقط الثلوج سنة الـ2009 حدث تبريد موضوعي خلال منخفض في شهر 2 ، تساقطت على أثره زخّة ثلجية خفيفة شرق الرمثا لم تدم طويلا سنة الـ2010 تساقطت ثلوج خفيفة صغيرة على الرمثا أيضا ... مشاركة مميزة شكرا جزيلا لك .....