كافيه طقس الأردن الجزء الثاني..

يا شعاع ..بظن الادارة آخذة قرار واعلنته مرارا وتكرارا وهو: أن السياسة هنا ممنوعة والنص واضح .. خاصة انها وبسبب مشاركات البعض تصبح تنحو منحا طائفيا مقيتا أتحدى أي شخص أن يعطيني موضوعا فيه مما أسميته "بالبلطجة" موجود هنا! انما يتم التعامل هنا بحذف أي موضوع سياسي مهما كانت توجهاته والسبب كثرة الشكاوي التي تأتي للادارة ناجمة عن اختلاف وجهات النظر ونحن كمراقبين عامين وادارة لسنا موظفين لحل المشاكل فنحن كما كل الناس لدينا أعمال كثيرة :مشافي نعمل بها -مكاتب وبعضنا لديه دراسة و ... يعني بالكاد لدينا الوقت لتحليل النماذج ووضع تنبؤات الطقس ولسنا موظفين نعمل عند أحد .. لذا كان رأي الادارة هو ان يظل هذا المنتدى بعيد عن المشاكل ويظل في اطار الشيء الأساسي الذي نحن كلنا متابعين له باهتمام الا وهو الطقس.. لا اريد النقاش أكثر بهذا الموضوع لأني لست من الادارة ومن يريد النقاش فليتناقش معها

حسب وجهة نظري الافضل ما نفتح مواضيع سياسية بالمنتدى

مساء الخير,, والله اللي بشوف اخونا بالله (شعاع الشمس) "معتز" ما بقول عنه مشرف وشبه اداري ههه اللي بقرا مشاركاته بفكره عضو عادي بالمنتدى ومظلوم من قِبل الادارة انا ما بعرف شو الجرائم اللي بترتكبها الادارة بالمنتدى ضد الاعضاء هون لاني ما صارلي سنه تقريبا بالمنتدى ولكن اسمع من وكالات الانباء ان الادارة تحارب الاعضاء "العُزل" والمساكين بالباندات والانذارات في المقابل يقف الاعضاء عاجزين من غير حول ولاقوة اما هذا النظام ،فنحن سنقف بوجه الادارة وسنعمل ثورة لنحكم المنتدى نحن الاعضاء المساكين وتنتقل هذه الثورة الى باقي المنتديات ليصبح هناك ما يسمى بـ"شتاء منتديات الطقس" اسوةً ب"الربيع العربي" واخيرا وليس اخرا كل ما قلته كان من باب المزاح وتغيير الجو ولاتظلكوا مكشرين وكل عضو حامل على الثاني افرحوا وامرحوا وغنوا وارقصوا الى الامام ثلج ...ثلج... ثلج

إنقلااااااااااااااااااااب ................. شو قالبينها مصارعة هون

اقتباس: المشاركة الأصلية كتبت بواسطة لــيــث الـعـلامـي  مساء الخير,, والله اللي بشوف اخونا بالله (شعاع الشمس) "معتز" ما بقول عنه مشرف وشبه اداري ههه اللي بقرا مشاركاته بفكره عضو عادي بالمنتدى ومظلوم من قِبل الادارة انا ما بعرف شو الجرائم اللي بترتكبها الادارة بالمنتدى ضد الاعضاء هون لاني ما صارلي سنه تقريبا بالمنتدى ولكن اسمع من وكالات الانباء ان الادارة تحارب الاعضاء "العُزل" والمساكين بالباندات والانذارات في المقابل يقف الاعضاء عاجزين من غير حول ولاقوة اما هذا النظام ،فنحن سنقف بوجه الادارة وسنعمل ثورة لنحكم المنتدى نحن الاعضاء المساكين وتنتقل هذه الثورة الى باقي المنتديات ليصبح هناك ما يسمى بـ"شتاء منتديات الطقس" اسوةً ب"الربيع العربي" واخيرا وليس اخرا كل ما قلته كان من باب المزاح وتغيير الجو ولاتظلكوا مكشرين وكل عضو حامل على الثاني افرحوا وامرحوا وغنوا وارقصوا الى الامام ثلج ...ثلج... ثلج الدكتور معتز فاكهة المنتدى بالعكس أنا بشوف مشاركاته بناءة ممكن مرات بيكون بوضع إنفعالي الدكتور لكن أحنا تعودنا عليه ولا ننسى إنو معتز موجود بالمنتدى من أيام الديناصورات

ههههههههههههههههههههه والله أنكم على راســـي يا شباب كمـــال و غيث و هيثم و ليث وعمــــر كانت نكشـــة مخ كنت زهقان و قرفان فقلت خليني أعمل مقلب عالادارة مع أكمن شب من الشباب الطيبة ، بس مــــا نفــــع عـــاد كان مقلب جـــامد بجد طبعا مواضيـــع السياســـة الأفضل ما تنفتح ، وكنت من الأشخاص يلي طلبوا من الادارة عدم السماح بفتح المواضيع السياسيّة تجنب للفتن ، لكن هناك البعض في المنتدى الحقيقة يجب الكلام معهم وتوضيح الصحيح لهم و هدايتهم لكن شو بدنا نحكي ، ما في اليد من حيلـــة ، على كل الله يهديهم يلا يا ليث هسا كل واحد بتنشطب مشاركته في المناقشة ييجي يعمل ثورة هون في الكافيــــه ودبروا حالكم مع قسم المناقشة من شان يصير تهريب سلاح الكم حج غيث الله يسلمك ، بس شنو سالفة هالانفعالي هذي هو صحيح في بعض الحركات الغريبة مني ، بس أحيانا بتكون نكشان مخ ، واحيانا بكون مروح من امتحان ماكل هوا فيه ، بعد ما أفش غلي بالجامعة وبأهلي باجي أفش غلي هون وبعمل ثورة عاد شو دخل ادارة المنتدى ؟ الله أعلـــــم ! بس دايما بالبوز جايين المهم سولفلي شو عامل للكريسماس ! في مناسف ولا لأ ؟؟؟

معتز مقلب يعني وقعتني مع الاداره وهربت الحمدلله اني حكيت فيه حق على الاعضاء اللي ما بعرفوا يتناقشوا يعني الله رحمني كان اكلت باند سداسي مرتب

ههههههههههههههههههههههه لا يـــا رجل شو بـــاند ، على جثتي بس يا شباب أي حدا بده يحكي كلمة أو يعطي رأيه ، رجاءً ما يستحي وما يخاف ويكتب بكل أريحية ، سواء بقسم الشكاوى ، أو هون مع الأعضاء ، بأي مسألة كانت

معتز هون ؟ وين مختفي من زمان ما شفتك . غيث هو خضار المنتدى ، يعني بنقدر نقول انو باذنجانة المنتدى .

مش لاقي غير الباذنجان يا محمد والله حرام هو كاين اسمر وانا مش داري وبطخ عليه بالعقل