حسب القيم لجفس الظهيره لمطار عمان المدني (شرق عمان) اي القيم افضل قليلاً كلما اتجهنا شمال غرب ، الهطولات الثلجية مستمره على فترات حتى فجر الجمعه للمناطق التي تزيد عن ١٠٠٠ متر عن سطح البحر
و حتى ليل الخميس +850-900 ، بتحديثات المساء ان شاء الله بتوضح الامور اكثر

بالنسبة لخرائط الهطول كتوزيع جغرافي ثابته ، الكميات ولا بحياتها ثبتت لنفس الكميه بتحديثين متتاليات بتنقص و بتزيد مع كل تحديث ، الفرق بين الصباحي والظهيره للشريط الغربي كامل ١٠ ملم تقريباً موزعه على الحاله كامله، يعني على ارض الواقع ممكن يجي ضعفهم لل ١٠ ملم اللي نقصوا و بالاساس الكميات على كوزمو و wrf افضل بشكل ملحوظ من النماذج...

بنحكي تراجع اذا لا سمح الله انسحب الحوض بشكل واضح و اختلفت الرطوبه و تراجعت درجة حرارة الطبقات و هي كلها ثابته الحمدلله و صعب تتغير بشكل ملموس خلال ٢٤ ساعه على بداية الحاله

و في حال برضه زادت الكميات بتحديث معين بمقدار مش ملحوظ برضه مش يعني تحسن، بضل بمرحله الثبات...

(بالنسبة للجنوب ، الهطولات الافضل للكرك والطفيله و تقل كلما اتجهنا للجنوب اكثر، و موعد الهطولات للجنوب و ذروتها تختلف قليلاً عن الشمال والوسط)
منخفض خير على الجميع ان شاء الله

والله اعلى واعلم