تقييم للمناقشات والمشاركات التي تجري أثناء الحالات الجوية

كلام جميل و رائع

كلام جميل لبعض من هذه النقاط

كلامك منطقي 100% اهم اشي شعشوع مبسوط وان شاء الله على طول

يا اخوان اسمحولي يعني الشعب الاردني باكمله صار يعرف يفرق بين تحليلات المتنبئين وبين موضوع مناقشة الحاله الجويه انا شفت موضوع في منتدى رياضي واحد حط انو في ثلج بالمنخفض اللي فات الكل قلب عليه وحكولو ما في منه هالحكي لان كل متابعي الانترنت صارو يعرفوا الفرق بين قسم تحليلات المتنبئين وقسم مناقشة الحاله الجويه انا بحب القسمين وبحب افوت على الاثنين واعتقد انو القسمين عماد ا لمنتدى لا يجب ان ينتقص اي قسم من الاخر بعدين شغلة عدم تنزيل التنبؤات الجويه بوقت المنخفضات صارت عاده وبكل منخفض جاء كان فيه زعل من المتنبئين من قسم مناقشة الحاله الجويه مع انو العتب على المتنبئين والمراسلين لانو المفروض همه يحطوا مشاركات فعاله في قسم مناقشة الحاله الجويه مثل الصور الجويه وصور الطقس وصور الرعود الخ الخ الخ

كلامك صحيح و شكراا الك ...بس لو يكون هناك بعض التخفيف على الاعضاء من ناحية ذكر الثلوج لانه احنا في فصل شتاء و طبيعي يكون هناك اسئلة عن الثلوج

انا في شغلة حارقة دمي في بعض الاعضاء وهي التهويل في نقل الحالة الجوية بتكون رذاذ خفيف بصيرو يحكولك امطار متوسطة لغزيرة وواحد بحكيلك برد وناس بتحكيلك ثلج وناس وناس وناس الخ......

كلام سليم 100%

تحياتي للجميع ومشكور اخي الكريم على المبادره الجميله وانا معك . ولو تسمحوا لي بتعليق...... لاحظت خلال الحالات الجويه الاخيره للاسف بعض المشاركات مكانها الصحيح هو الكافيه وليس مناقشه موضوع الحاله الجويه وهنا لااريد ان يفهمني البعض على انه تهجم ولا سخريه "العزايم الي بتصير والمناسف والجميد والسحلب والكستنا الخ...." فبالله عليكم هل هذه مشاركات تصلح بموضوع مناقشه الاحوال الجويه؟؟؟؟؟؟؟ و اي زائر سيدخل المنتدى ماذا سيقول؟؟؟؟ انا لااطالب باي شيء الا باننا جميعا ان نتحلى بالاخلاق واسلوب راقي بالحوار والمناقشه وشكرا لك اخي الكريم وما حد يزعل من كلامي

يعني يمكن هذي ثاني مرة أكتب فيها عربي (وما بتتخيلوا صعوبة الموضوع بالنسبه الي( أولا, أنا بـرأيي إنه من أهم المشاكل إنه لسة في اعضاء وعلى الرغم من التنبهت والتحذيرات مصرين انهم يتحفونا بـتوقعات بتزيد عن 10 أيام يا عمي إذا المختصين ماعم يقدروا يكونوا متأكدين لدرجه تسمحلهم يحطوا هيك توقعات بعيده انتوا مصرين ؟؟؟ وبصراحة اللي بيقهرني أكثر لما يجي بـآخر "التوقعات" وبحطلك "للتفاؤل فقط" إنه يعني هيك صار موضوعي وما بيفتي الدنيا بتكون مطر وبرد وعواصف واليوم اللي بعده كمان مطر وعواصف بس احنا مشغولين مين بدّه يتوقع ثلج بعد 15 يوم ثانيا, الاخوان اللي بيجي يسأل في ثلج بـتلاع العلي؟ وبعد ماتجاوبه فورا بيجي حد ثاني بيزالي إذا في ثلج بـخلده يعني منطقتين الهم تقريبا نفس الارتفاع وبجانب بعضهم شو بدّه يكون الفرق بينهم؟ بعدين حادة بيسأل عن النزهة, بعدين الياسمين, بعدين بعدين بعدين .. وبيقضوها الجامعة المختصين يجاوبه على هيك اسئله مع إنه الجواب بالصفحة الراسيه ثالثا, موضوع اللي بيسألوا "أي ساعة راح يبدا المطر في المكان الفلاني؟" يعني كأنه معير بالساعة وم بـعلم الله!! رابعا, اللي بيجي بيحكي إنه لازم مانفكر غير بـاقل من 5 أيام لإنه بعد هيك التوقع صعب جدا وبـ رأيه إنه هذا هو الصواب ولازم نترك التوقعات للمختصين عشان مايجينا احباط وبعد ماتقرا 3 أو 4 صفحات بتلاقي حاطط توقعات "للتفاؤل فقط" .. كيف يعني أفهم شديد احترامي لجميع الاعضاء وجميع الاداريين وبعتذر إذا كلامي كان اسلوبه سيء أو ضايق أي حدا فيكم لكن للأسف هذه وجهة نظري وأنا قبل هيك ولل أسباب السابقة حكيت للدكتور أيمن وبحكيها كمان مرة هالتصرفات للاسف راح تضلها موجوده وعشان هيك أنا وبكل صراحة بايد اغلاق موضوع النقاش للاعضاء Deepest apologies for the long post again I just had to let it all go out Accept my deep respect

اقتباس: المشاركة الأصلية كتبت بواسطة rossi   بسم الله الرحمن الرحيم بصراحه اغلب المشاركات اللي ما في الها داعي في موضوع مناقشة الاحوال الجوية بالذات تأتي من الاعضاء الجدد جدا و صارلنا بهاي المشكلة من ايام المنتدى القديم لذلك اقترح (بس ما بعرف اذا بتزبط فنيا في المنتدى) انه المشتركين الجدد ما يشاركو في الموضوع لفترة معينة (فقط في موضوع مناقشة الاحوال و باقي المواضيع مفتوحه) لحين يعرفو و يتعلمو اسلوب النقاش في المنتدى بشكل عام (و هنا لا اقصد اهانه اي احد) يعني قصدي اسلوب النقاش العلمي مش اسلوب التشات و المسنجر و الفيس بووك و غيرها و حتى يتعودو اكثر على الاعضاء القدامى اخواني لا اقصد ابدا انه في حدا احسن من حدا, الكل الخير و البركة منتدانا يا جماعه منتدى علمي و بحثي مش منتدى مختص بالمشاركات اللي ما في فايدة منها الف شكر لكم جميعا و شكر خاص جدا للأخ حورس لطرحه الموضوع تقبلو فائق احترامي و تحياتي اخوكم ROSSI السلام عليكم كلامك صحيح اخي بخصوص الاعضاء الجدد ... انا مثلا مسجل بالمنتدى من سنة ونصف و مشاركاتي كانت زمان قليلة لاني كنت اتعلم من الشباب و اقرأ مواضيع عن الطقس لغاية ما صار عندي شوية معلومات علمية عن التحليل مع انة انا بتابع الطقس من سنة 1990 و بتابع الطقس على النت من 10 سنوات و من جديد عم بحاول اكتب تحليلي الشخصي يمكن يكون صح او غلط مش اولها بلشت احلل و اصدر تحليل متل بعض الاعضاء اللي ما بعرف يفرق المنخفض من المرتفع مع احترامي لجميع الاعضاء ..... شكرا