مناقشه المنخفض الجوي المتوقع ابتداء من السبت 23 يناير 2016

صباح الخير جميعا اجواء غائمة جزئيا و باردة في العقبة هذا الصباح. درجة الحرارة الان ١١ درجة مئوية. الساعة ٨:٣٥ صباحا.

صباح الخير ثلوج قطنية منذ ساعة بين الخفيفة والمتوسطة والغزيرة ولله الحمد هنا في وادي السير جنوب غرب العاصمة عمان ع ارتفاع 800 متر

ثلوووووووج قطنيه كثيفه ورائعه الاشرفيه شرق عمان الحمد لله

بداية تراكم في المقابلين

ربما التوقعات كانت أقل بشكل بسيط من حيث التراكم على مناطق 900 متر...أما دون ذلك فكانت توقعات طقس العرب دقيقة إجمالا وكانت النشرة واضحة من حيث التراكمات على 1000 متر والتقطع في الهطول و الارتفاعات المشار إليها في تساقط الثلوج...ولكن كان الجميع يمني النفس بحصول بعض المفاجآت من حيث تدني مستوى التساقط والتراكم... ...الحمد الله على كل حال نسأل الله أن يرزقنا خيرا منها في المستقبل القريب...

حياك الله ابو علي . شفتو الثلج ولا لسا ما نزل عندكم .انا لا اؤيد فكرة وضع توقعات لتراكم للثلوج والتراكم حسب الهطول وتوقعات الهطول متوسطة الى ضعيفة وليسمك الثلج لازم يكون جيد جدا الى ممتاز اي تكون النماذج واضعة هطول مخضر ومصفر طول اليوم على خرائطها وبشكل عام هذا كان البارحة واليوم اخر المنخفض وبكرى متوقع منخفض جديد سريع الفعالية وليس طويلا كنت اتمنى ان تكون توقعاته ان يتمركز شرق قبرص او لبنان ان شاء الله بصير مفاجئة وبتمركز تمركز يخدم جنوب بلاد الشام . اقتباس: المشاركة الأصلية كتبت بواسطة عدي ابو علي  صديقي الغالي , انت زلمة محترم بس حابب تفهمني منيح , انا ما بحكي عن منطقتي انا بحكي بشكل عام , واسأل اللي بدك اياه من الشباب , التوقعات اقل بكثير من الواقع يا غالي , وانا ما بعاند , انا بحكي بشكل عام والله كانت التوقعات انه هناك ثلوج من مساء امس لصباح اليوم , والان بدء الهطول لبعض المناطق , مبارح سهرت بغرب عمان , وانا ساكن وسط عمان وعندي بيت شمال عمان , وشرق عمان الوحيدة اللي ما رحتها بالمجمل منطقتي كبيرة وتضاريس منطقتنا اللي انت بتحكي عنها بتكشف مناطق كبيرة من عمان الغربية والشرقية بشكل خاص صدقني هالحكي صحيح ,والتوقعات عكس الواقع وانا حابب انها تثلج , كرمال البنت الصغيرة اللي عندي نفسها تشوف الثلج والله , ولهيك انا مثلي مثل كثير من الشباب متذايقين شوي والحمدلله رب العالمين

امطار خفيفة ولا ثلوج طبربور- ابوعليا

تراكم الثلوج بعبين لا يتجاوز 7سم وهو قريب من معدل التراكم براس منيف.....حقيقة ثلجة راس السنة الخفيفة 3 اضعاف هاي الثلجة في حال اصابت توقعات طقس العرب التي لا تتوقع استمرار تساقط الثلوج في الشمال بدءا من ظهر اليوم.....................اتمنى ان تخطئ توقعاته

الحمدلله على نعمة المطر يا اخوان سواء الثلج تقد ساعه او تأخر ساعه فهذا لا يعني عدم صحة التوقعات نسأل الله الرحمه لنا ولكل الاجئين المتشردين عن اوطانهم

قطنية غزيرة ماشاء الله منظر الثلوج وهي نازله رااائع اللهم زد وبارك