:::: نابلس والقدس كما تظهران من السلط الأردنية ..صور نقية وواضحه 100% ::::

هيك أقنعتني انها بداية شمال القدس لكن رح أصور صور أوضح و انقى ان شاء الله محمد ، بيتنا الجديد 1080 يعني أعلى من تلاع العلي ، وفي منطقة عند جسر زي تقريبا 1110 ، يعني أيام العواصف الثلجية بكيف هناك بس عمان الغربية بتضل افضل من السلط بالثلج بسبب الرطوبة العالية جدا في السلط ،، بس من ناحية الأمطار ، المنطقة حوالي 630 ملم مقابل 250 شرق الرمثا :nosweat: هون رح أشعر بالفرق المزبوط ان شاء الله

منيح اللي اقتنعت ... انا ما بقول ما بتبين القدس،،، بتبين من عندك بس كثير بدك انحراف للجنوب، وما رح تكون بوضوح نابلس والمنطقة اللي بالصورة .. حسب وين بتلاع العلي ... ؟؟ انت زي ارتفاع محطة الشاكر ... بس شوف ،،، بالمطر انت اكثر ما في خلاف ،،، حتى الثلج ،، بعض أنواع الثلجات تبعت الحفف، بتجيب مناطق زي وأم جوزة القريبة عليك، ثلج أكثر من شمال عمان ... وانتو بدي أرجع واشرح 200 مرة ... قصة الرطوبة والثلج فاهمينها غلط .... مو هيك القصد ،، بعدين بنشرحها .. ومتى ان شاء الله بجهز ... ؟؟ بال2020 .. ؟

آه بالضبط الآن تأكدت من خالي ان الصورة الثانية هي لرام الله و المنطقة المحيطة بها ، وبداية شمال القدس ، لان القدس لا تظهر -حسب قوله- جديا من السلط ويمكن رؤية -أسوارها- فقط !

شايف شعشوع بس شغلة التلج بالسلط ... الرطوبة النسبية مش كتير عاليه زي نابلس .. يعني التلج المفروض ينزل أحسن من غرب عمان اللي ارتفاعها 1000 متر تقريباً ..لانه عندك 1080 م ... فارق الارتفاع له تأثير عندك .. والرطوبة النسبية ليست عامل سلبي لديك... انما هنا في الجبال الغربية في نابلس اه..لها تأثير واضح وسلبي...

يا هوريكان إرتفاع 80 متر مش بينا بس لازم تعرف حركة المنخفض إلها تأثير كبير على تساقط الثلوج بين مكان و مكان ثاني

اقتباس: المشاركة الأصلية كتبت بواسطة ammar_jo  يا هوريكان إرتفاع 80 متر مش بينا بس لازم تعرف حركة المنخفض إلها تأثير كبير على تساقط الثلوج بين مكان و مكان ثاني بالمنخفض القطبي عادة يكون شامل ارتفاع 80 م بتفرق يا حبيبي ... مرات في بعض منخفضات أماكن ارتفاعها 700 م ما بتراكم التلج... مناطق 780 بتراكم ولو بسيط يعني بتفرق أما مثلاً حسب المسار بتفرق آآآه الاقليم الشمالي قد يختلف عن الوسط .. وعن الجنوب ... أما مسار منخفض بين 10 كم شمال جنوب بالتلج ما بفرق في المعظم

اوب اوب اوب والله يا شعشوع انك رهيب صور من الاخر و زووم ما شاء الله بس اقترح عليك انك تصور نفس الاماكن بفترة الصبح لما تكون الشمس عاكسة عالمباني و يكون الجو صافي اعتقد بتبين القدس من رام الله مع اني مع رأي الدكتور ايمن انها القدس للجنوب اكثر

شعاع انتو بدكم تسكنوا هناك في السلط ولا بس مواسم يعني صيفية مثلاً ؟

اقتباس: المشاركة الأصلية كتبت بواسطة rossi  اوب اوب اوب والله يا شعشوع انك رهيب صور من الاخر و زووم ما شاء الله بس اقترح عليك انك تصور نفس الاماكن بفترة الصبح لما تكون الشمس عاكسة عالمباني و يكون الجو صافي اعتقد بتبين القدس من رام الله مع اني مع رأي الدكتور ايمن انها القدس للجنوب اكثر شكرا جزيلا لك أخي الكميرا جاهزة لربيع وشتاء الشمال جبل الشيخ , جبل العرب ، طبريا ، حوران ، شمال فلسطين ، هيفا ، دودو اقتباس: المشاركة الأصلية كتبت بواسطة HURRICANE1  شعاع انتو بدكم تسكنوا هناك في السلط ولا بس مواسم يعني صيفية مثلاً ؟ لأ ، السكن الدائم في الرمثا ، لكن اوقات معينة في السلط

مشكور أخي على الصور الصورة الأولى هي لشرق نابلس (المنطقة الصناعية و مخيم بلاطة و مخيم عسكر) و تظهر مستعمرة ميهورا لكن الصورة الثانية هي للأغوار و مدينة أريحا بالتحديد و ليس القدس (لاحظ أن الأضواء هي في الوادي)