:: مناقشة الأحوال الجوية الحاليه والمتوقعه حتى نهاية شهر كانون الثاني 2022::

طقس العرب يضع ثلوج متراكمه على ارتفاع ٧٨٠ متر غرب عمان من ظهر الأربعاء لظهر الخميس والله اعلم

اقتباس: المشاركة الأصلية كتبت بواسطة • HISHAM •  مسا الخير للجميع ................ حابب أنوه لنقطة ( ولا يهون الجار ) أحمد ابداح ... انا مش معك ( هون ) بموضوع المقارنة الواحد بطبيعته بقارن ليطمن ، يعني مثلاً المقارنة كتير ممكن تفيد الواحد وتريحه وتعطيه إنطباع ... خليهم يطمنوا وخلينا نقارن شو المشكلة ، عادي ... بس يمكن إنت تكون معي ( بنقطة تانية ) : إنه حرام نقارن خاصة إنه الحالة الحالية أقوى بمرااااااااااحل .... لعشاق المقارنات ... ؟؟ هذه التراكمي للأوروبي في منخفض شباط العام الماضي أظن الرسالة وصلت ؟؟؟ برأيي يخوان المقارنة تأتي بعد الحالة ..... بالنهاية آراء ،، والله أعلم هلا حبيب، انت فهمتني غلط انا بواد و انت بواد مش قصدي انه لا تقارنوا او ممنوع تقارنوا او من هذا الحكي، القصد انه الحاله القادمة، على الخرائط للان و حسب التحديثات الحالية لا تقارن مع حالة شباط، بدها حاله اقوى تتقارن معها و بالنهاية على ارض الواقع خصوصاً بالمنخفضات الثلجية بتصير قصص لا هي عالبال ولا هي عالخاطر، الاصح انه كل حاله الها ظروفها بالنهاية

الصراحه اول مره اشوف كادر طقس العرب بيتكلم بكل ثقه عن الثلوج يعني الحمد لله أمور طيبه شباب وان شاء الله التحديثات الجايه تكون افظل وأفضل

سؤال ليش نازلين تقارونو حالة الاربعاء بحالة شباط الماضي؟! حالة الاربعاء بدها مقارنة مع هدى وجنى رديفاتها بالقوة اما حالة شباط الماضي انا بشوف انو من الظلم مقارنتها فيها لانو حالة شباط مش ولابد كانت

هدى وجنى كانت عواصف شاملة منخفض الأربعاء مش شامل جميع المرتفعات بالعكس التراكم الواضح+٨٠٠

اقتباس: المشاركة الأصلية كتبت بواسطة شادي تيم  أنا بالنسبة إلي لا أنتظر ثلوجا متراكمة في إربد ٥٥٠م وأقل لأن القيم لا تدعم ربنا يرزقنا بثلجة تنحفر بالذاكرة له يا شيخ .. ولا تقنطوا من رحمة الله

اقتباس: المشاركة الأصلية كتبت بواسطة جريح الصمت  له يا شيخ .. ولا تقنطوا من رحمة الله أبدا مش قنوط ربنا يكرمنا جميع لكن بتكلم بناء على القيم الحالية ممكن نشوف مخلوط أو صافي أو ذائب وهاد كله شبعناه بدنا ثلج متراكم مثل جنى و٢٠٠٨ وهدى

اقتباس: المشاركة الأصلية كتبت بواسطة rami2008  هذا المنخفض افضل بكثير : لو سمحت لو ما في غلبه شو وضع مناطق رام الله ارتفاع 600-700 متر ؟

طقس العرب يضع ثلوج متراكمة على مرتفعات ٧٠٠ م و ٧٥٠ م وسط المملكة والله اعلى و اعلم

ما شاء الله _ تبارك الرحمن امطار اليوم رائعه جدا بانتظار الأوروبي المسائي