لو إنتبهتوا الساعات إللي راحت هاي إن الفيسبوك وماسنجر وإنستجرام وواتسات وقفوا كااامل ..
خليني أقلكم إن إللي بصير كبير ومش طبيعي،
والمرجح إنه كان تهكير .....
ولأول مرة العالم كله بيصيرله شلل فعلي لمدة ساعات،
بعد اعتماد الناس الكلي على وسائل التواصل الاجتماعي.
القصة إلها جوانب كتير، بس أساسها إن الفيسبوك بدأ يطلب وياخد معلومات وتفاصيل دقيقة عن أي حد بيعمل أكاونت، وكل ما بتكتب معلومات أكتر عن حالك كل ما الأكاونت بصير حيوي أكتر، ومن هون بدأ يصير شغلات غريبة جدًا، زي إنك مثلًا تكون بتحكي مع صديق إلك على واتساب عن لون جاكيت حاب تجيبه ؟ هوووب تلاقي الفيسبوك جاب لك إعلانات جاكتات ، إنك حابب تشتري ساعة تلاقي إعلانات ساعات كتير ، وهاد معناه واضح وصريح وهو تجسس على الخصوصيات الكاملة لإلنا اللي بنتعامل فيها من خلال وسائل التواصل هاي ، وإللي بيراقبك الشركة نفسها، وعارفة عنك كل شي تقريبًا، يعني من الآخر إنتَ ( مكشوف ) قدامهم بكل اللي فيك من مساوئ أو حسنات،
لأنهم لو جمعوا بعض المعلومات من كل شات رح تدخله في اليوم هما هيك عرفوا لون ملابسك الداخلية هههه ،
وهاد كله طبعًا لتحقيق ربح أكتر ...
الغريب إن العطل اللي صار في فيسبوك إجى بعد اتهام
( فرانسيس هوجن ) الرئيسة السابقة في فيسبوك اللي طلعت وقالت إنهم بيهتموا بالربح على حساب السلامة، وحرفيًا فضحتهم والدنيا قامت وماقعدت عليهم ..
إنتَ متخيل إن فيسبوك نفسه علشان يعلن عن المشكلة نزل تويتة على تويتر ، علشان توصل للناس وقال فيها :
"نحن ندرك أن بعض الأشخاص يواجهون مشكلة في الوصول إلى التطبيقات، نحن نعمل على إعادة الأمور إلى طبيعتها في أسرع وقت ممكن، ونعتدز عن أي إزعاج".
يُقال إن اللي صار الساعات الماضية إن حدى اخترق الفيسبوك، وبدأ يلعب في السيرفرات، فنزل قرار بوقفه هو والأبليكيشنز التانية لحد ما يحلوا المشكلة، وهاد لأنهم زي ما إنتوا عارفين صاروا مملوكين لشخص واحد وهو ( مارك )، فبالتالي أي مشكلة رح تصير في برنامج معين رح توصل البرامج التانية بكل تأكيد .
الإدارة كانت بتحاول بكل جهدها إنها تحل المشكلة لدرجة إنهم أعلنوا إنهم أرسلوا فريق متخصص لكاليفورنيا علشان يحل العطل يدوي، ولكن الموضوع مكنش سهل، ويُقال إن اللي عمل المشكلة هاي ** موظف في فيسبوك نفسه **
ولكن طلعلك إتنين من أعضاء فريق الأمان في فيسبوك، وقالوا تصريح بشرط ما يتم الكشف عن هويتهم لأنهم غير مصرح لهم يصرحوا في العلن، إنو اللي صار مش اختراق وصعب يحصل إختراق للـ4 أبليكيشن في وقت واحد.
ولكن الكلام هاد عايم ومحتاج تدقيق أكبر، لأن وقف الأبليكيشنز مكنش بسبب الإختراق، بل وارد يكون تم الإختراق وبعدها نزل قرار من ( مارك ) بوقف الأبليكيشنز، فاللأسف برضه ماحدش فاهم إشي .
بعض الصحف على مواقعها الرئيسية نزلت وقالت إن فيه هجوم كبير على ( مارك ) لإنه بيستغل خصوصيات الناس علشان يحقق ربح من خلال الإعلانات اللي المستخدمين بيدفعوا مصاري مقابل ترويجها، وكل ما تجيب ناتج أكبر كل ما حيدفعوا أكتر، وهو بيكسب، وهاد برضه مع إتهام رئيسة فيسبوك السابقة ( فرانسيس هوجن ).
تخيل إنه في الكام ساعة بس اللي راحوا ( مارك )
خسر 7 مليار دولار حسب مقالات انتشرت في بعض الصحف الأجنبية ، هاد غير إن أسهم الشركات تاعته نزلت 5.5%، ولو الموضوع كان استمر شوية كمان كانت الأسهم رح تنهار وممكن في لحظة يعلن إفلاسه، واحد من أغنى أغنياء العالم كان ممكن في لحظات ينتهي.....
رغم كل هاد تويتر كان شغال طبيعي، لدرجة إن نيتفليكس نزلت تويتة بتسخر من باقي الأبلكيشنز على طريقة مسلسل
"Squid Game" وكتبت "When instegram, facebook are down" وشكرت في تويتر، فعلقت إدارة تويتر بصورة تانية فيها سخرية أكبر ...
المهم في الموضوع أو الكارثة إن الناس كلها هلا حرفيًا اكتشفت أهمية البرامج هاي ، بل إنه فيه ناس حياتها وقفت، وناس شغلها وقف في لحظة ... و و و .
لدرجة إن البيت الأبيض علق على الموضوع وقال
"إن منصات التواصل أثبتت أن لديها قوة لا تستطيع السيطرة عليها".
فيسبوك وماسنجر وإنستجرام وواتساب حرفيًا مسيطرين على حياتنا، لا حد عارف يرد على رسالة أو يبعت رسالة، ولا عارف يشوف خبر جديد موجود على فيسيبوك، احنا مش بس بنستخدمها كبرامج للتواصل بيننا ، هاي برامج ممكن يقوم عليها شغل دعاية وتسويق كامل لشركات تفلس لو البرامج هاي وقفت، غير إنهم بقوا دليلك في كل شيء ، خبر جديد بتعرفه من خلالهم، بتشوف العالم إيش بصير فيه .. الخ
وهاد بخلينا نسأل سؤال مهم، هل همَ نجحوا في السيطرة الحرفية علينا كبشر، وهون أنا فعلًا بحكي عن العالم كله، لأن اللي صار هاد تسبب في كوارث كتيرة غير مرئية ، غير إنه تسبب في فراغ مهول لناس كتير جدًا ، معناه إنك بتقضي حياتك أصلًا على البرامج هاي ؟
فهل فعلًا همَ سيطروا علينا، وهل السيطرة هاي إلها فائدة إلنا ولا ضررها كبير . ؟
وهل ممكن نعيش في عالم من غير أي برامج تواصل، ولا خلص ؟، البشر صاروا مدمنين البرامج هاي والتليفون صار جزء لا يتجزأ من الإنسان؟!
لازم تفكروا، ولازم فعلًا تستوعبوا حجم الكارثة اللي صرناا فيها، ولازم تفهموا إن عالم كامل صار مدمن، والعالم عارف إنه مدمن، ومكمل ..........
طبعًا فيسبوك وماسنجر وإنستجرام اشتغلوا، بس واتساب لسه متعطل ، وأكيد رح يشتغل خلال مدة قليلة ..
وبالمناسبة ... ناس كتير رح تلاقيها مش عارفة تعمل كومنت أو لايك أو شير وهاد لأن العطل في فيسبوك لسه متصلحش بشكل كامل.
أنت على الأرض لا يوجد علاج لذلك