والله يا جماعة لو هاي العقليات القمعية تكون ضمن الاشراف رح يحذفوا نصف المشاركات...
اللي مش عاجبو الطريقة المتبعة في فتح المجال للمشاركة بكل حرية ودون تقييد (ما عدا الاساءات) لا يشارك باختصار..
ما حدا بجبر حدا يكون في مكان مش مقتنع فيه..
ما بحق لأي شخص يفرض وجهة نظره على غيره..
هذا المكان منبر للجميع طالما الكل بحترم الثاني وبقدر المكان...
صدقوني ما بتلاقو هاي الأساليب في منتديات"الاحتلال"...
ارخو حالكم ولا داعي للشد والعصبية والتزمت...ترى ما رح تخرب الدنيا اذا اختلفت مع غيرك على مسمى أو توصيف..
تصبحو على خير جميعاً...بمن فيهم الناس اللي مفكرين اني ضدهم وأنا والله ما في بيني وبينهم شيء
الله يصبحك بالخير مهندس محمد
انا بدي احدثك كمشرف عام للمنتدى
صديقي العزيز , لما تيجي تجيب مصدر متفق عليه في المجتمع العلمي لشيء معين
وتطرحه بالمنتدى ..
وتحط الرابط المليء بالمصادر
وييجيك شخص مش عاجبه الكلام ويقلك انا مش عاجبني هذا الحكي ويضربه بعرض الحائط
وتقلب الامور تعصب وسفه .. هون انتهى دور النقاش العلمي والرأي والرأي الاخر واصبحت الامور ليخة
العلم اداة هدم بناءة , ولما تيجي تهدم معلومة معينة بدك يكون معك الاداة الاقوى منها باختصار
في اشياء قابلة للنقاش وفي اشياء بديهية
فليش التعنت بالرأي !!
وانتوا دوركم كاشراف يكمن بضبط الحوار وتنسيقه والمحافظة على الاستقرار
لكن غياب المشرفين بشكل عام اخذنا على هذا المسرب الجدلي العقيم ,
المنتدى مثل المدرسة فيه اللي جاي يتعلم وفيه اللي جاي ينكش مخ
فدون اشراف ورقابة الامور تصبح غير صحية
انت الله يعطيك العافية متواجد في بعض الاحيان لكن لا تستطيع وحدك تغطية الكم الهائل من المشاركات والتواجد بصورة دائمة
لذلك وجب تواجد مشرف واحد على الأقل في المنتدى بشكل منسق لضبط الفئات اللي هدفها تخلق البلبلة
تحياتي
43 أعضاء قالوا شكراً لـ احمد العربيد على المشاركة المفيدة: