مناقشة الأحوال الجوية الحاليه والمتوقعه خلال شهر كانون الأول 2020

مساء الخير كيف حالكم ،؟ شباب بالنسبة للتوقعات البعيدة إحنا بنحطها لنريح قلبنا شوي من سترس الحياة والنماذج ولا احنا عارفين نسبة تحققها صعب شوي ، ولكن نظرتي محلل او هاو اتوقع اي خريطة تلون عالمدى البعيد انها تتحقق الغلاف الجوي بحاجة للميزان او نقول للاعتدال فليس من المنطق ان يرسل نزولات متتالية مهيبة ومخيفة لغرب اوروبا واحنا بنتفرج ، الا الكفة تميل لشرق اوروبا والبلقان وهون احنا وحظنا مع عزم الهواء القطبي بس ذكرت بمشاركة بشهر 10 انه ما يميز الهواء القطبي هذا الموسم هو انفلاته الكبير وعزمه القوي للعروض الدنيا السلوك العام هو من يهمنا اما تيجي تقلي زلازل وبراكين ورياح عرضية وطبقات و و وو هاي كلها ثانويات بالطقس ألف باء الطقس معروف ( كتل وضغط جوي ، ومركز منخفض / وإتجاه رياح ) كثير تذبذبات ما كانت لصالحنا وربكم رزقنا خير كبير المووضوع باختصار بدنا منكم التواجد معنا بالمنتدى عكل تحديث والمشاركة وبكل شيء والابتعاد عن اليأس والسلبية الشوق ذبحنا ذبح للثلج ، ويمين الله ب 2018 شريت تلفون طلع عليي مع فوائد البنك 900 دينار عشان شو فكركم؟؟؟؟؟ عشان اصور صور للثلج ولهلا ...... ما ثلجت منيح كل سنة بتيجي طبقة صغيرة تقول ربكم ببعتها عالشارع عندي بس والشارع الي تحتي فش فيه اشي عشان اعزي نفسي .. تخيلوا قديش صارلنا مع بعض بالمنتدى ؟ الحلوة والمرة سوى ... نسيتو لما كنا تحت تاثير انخفاض حاد بالحرارة وفلتت غيمة عسواحل قبرص لعنا وضلينا سهرانين لل 5 الفجر نراقبها ؟ نسيتو قبل اليكسا كيف فجاة ظهرت الجبهة الاخيرة بعد ما كانت اليكسا افشل عاصفة بالقرن ال20 صارت العكس نسيتو هدى ؟ طيب جنى ؟ نسيتوا الايام الي انرفع ضغطنا ؟ نسيتو الفترات الصعبة الي مر فيها المنتدى ؟؟؟ انا مازلت مؤمن ايمان مطلق انه كل واحد ضل بالمنتدى بعد كل هالتطور التكنلوجي شخص بنحب ويُحترم ولو كنت على خلاف شخصي معه .... يشهد الله والكلام ليس وقته ، انعرض عليي بصفحات فيس بوك للعمل معهم مقابل اجر مادي وما قبلت ومنهم شركة معروفة لما قلت للحج ابوي ، قلي يابا انت اهبل ؟ في حد بتيجيه فرصة لعندو وبرفصها ؟ اخوي الاصغر مني الاقرب لقلبي شو قالو؟ الموضوع نفسي يا ابوي ، نفسي انا هون تعرفت ع اشخاص غيرولي مسار حياتي للابد وانا بحبهم كثير كثير كثير ( ورد شومان ، محمد مومني ، أكرم مصلح ، غيث عودة ، أنس وحمزة الحياري ) والمنتدى كان سبب مباشر ورئيس للتعرف عليهم ، فمعقول انكر فضل المنتدى ولو نفسياااااً ؟؟؟ يعني في شغلات مستحيل تتبدل وتتغير لو انعرض عليك كل شي بالدنيا يا جماعه بالصيف الي هو بالصيف كنت افوت المنتدى مرتين ثلاث تخيلو يتسكر المنتدى ؟ اكيد مارح يكون للخرائط طعم ولا لون ولا شي ولاشي مطلقاً ..... بس بالمقابل تخيلو فش خرائط وفي منتدى الوضع احلى بكثيييير ، معناها وجودنا سوى تحت مظلة المنتدى هو الاحلى انا عمره ولائي وانتمائي ما كان للادارة ولا لللشاكر ولا رح يكون لاي حد محدش بهمني مع احترامي الهم كلهم انا بحب المنتدى والي ذكريات في مستحيل ابدلها ... بحبكم كلكم والله يرزقنا عاصفة ثلجية ، لانه جيل ال90 الان دخلنا منتصف العمر صار عمرنا بالثلثينات كبرنا كتير وصارلنا بالمنتدى اكثر من 12 سنة واااااااااااال والله عمر ،،،، " أترى حين أفقأُ عينيكَ ثم أثبّت جوهرتين مكانهما ، هل ترى " !!!!! " هيَ أشياءُ لا تُشترى" . تحياتي جميعاً وطولنا عليكم سامحونا