مناقشة الأحوال الجوية السائدة والمتوقعة خلال شهر كانون اول ٢٠٢١

ما شاء الله اجواء ماطرة بغزارة على فترات .منذ العصر .

استمرار التكونات المحلية فوق اجزاء واسعه من مدينه القدس واستمرار تساقط الامطار

امطار غزيرة جدا الى متوسطة تسقط منذ نصف ساعة والجو رائع جدا صحيح اننا من مطاردي الثلوج ولكن لا بأس بأن نتجلى على فنجان قهوة وسيجارة في هذه الاجواء

امطار فياضانية في القدس والمزاريب مش ملحقة والحمد لله

رطوبة ممتازة وملفتة في كافة الطبقات خلال الساعات القادمة في شمال ووسط كل من فلسطين والمملكة

اقتباس: المشاركة الأصلية كتبت بواسطة علي القيسي  الرابط لو سمحت https://maps.weatherbell.com/view/mo...ur&p=z500_mslp

استعجلت الحكم . اعذرني يا كوزمو وجفس . عاصفة مطرية فوقنا ما شاء الله العظيم .

السلام عليكم ورحمة الله وبركاته حابب أخلع رداء اللطافة وأحكي بكم قصة هيك لأني بحب المواجهة من وراء الشاشة وفي الحياة الواقعية وهذا سبب مباشر لعدم وجود أصدقاء حقيقين في حياتي غير شخص واحد . التهويل : بالنسبة لموضوع التهويل أنا من الأشخاص إلي بحب أتوقع لأكثر من 10 أيام تطبيق طقس العرب بغير توقعاته كل يوم 3 مرات وماحد بحكي معه وإحنا إلي بنقعد بنسيب أهلنا ومالنا وشغلنا عشان نحلل كل نموذج بوقته بنطخ علينا ياعمي أنا مابجيب التحليل من دار أبوي وإلي بحكي عن حاله متنبئ جوي يجي يواجه الي موجود بالخريطة بنقوله وإختلافي مع الشباب فقط عكميات الهطول نفس الناس الي بتهمز نفسها الي نكشت عليي لما قلت المنخفض الأخير رح يتجاوز +80 ملم والنتيجة بعمان وبعض مناطق الشمال تجاوز 90+ ملم . نماذج الإشتراك : أما العضو الي بتخوث على نماذج الإشتراك ؟؟ هات هزلي جيبتك وساعدني وإدفع عني للموقع بدل ما إنت بتتخوث عالطالعه والنازلة هل تعلم أن هناك عضو إسمه " محمد المومني " في السنتين الي قعدت فيها عن الشغل بسبب جائحة كورونا والله العظيم قام بتجديد الإشتراك لي بدون أن يأخذ ديناراً واحداً مني . الزخرفة في المشاركة : حببيبي أنا بحب ألون المشاركة كأني في ديسكو مزال ما سبيتك وما شتمتك ولا همزت ولا لمزت فإنت ما بحقلك لا انت ولا الي اكبر منك يتخوت لا عليي ولا ع غيري مين ما كنت تكون لانه هاد صرح علمي محترم ولازم تضلك محترم فيه كبيرك تقتبس وترد علمياً غير هيك ما إلك دخل توزع أخلاقيات عن الناس . اللايكات : أنا وكـمثال بسيط بحب أشوف ثمرة تعبي ، هل عمرك سمعت بالتغذية الراجعة ؟؟ Feedback الوسيلة الوحيدة لمعرفة التغذية الراجعه للمشاركة في المنتدى هي عدد اللايكات من الطبيعي أي شخص بحب أكبر قدر معجبين بشخصيته وبمشاركاته وبأراءه وهذا غريزة بشرية وأيضاً ما جيت على حدا ولا سبيت حدا بأي مشاركة . الحزازيات والعضويات البديلة : أقسم بالله العظيم هناك أعلام بالمنتدى تملك عضويات بديلة ولا تريد التهجم عليي أو على أشخاص أخرى بطريقة مباشرة ( من عضويتها الأصلية ) فتقوم بالدخول لعضويتها البديلة وتهاجم عن جنب وطرف وتثير البلبلة في المنتدى للعلم كل المنتديات الي الله خلقها ومنها منتديات كووورة وهي أشهر منتديات على الاطلاق يواجهون هذه الحزيزيات بإستمرار ولكن الإشراف دائما موجود هناك ... أما هنا ؟؟؟؟؟؟؟؟ فتساب المشاركة التهجمية بضع ساعات مما يتسبب بالهرج والمرج . وياريت وقف الموضوع على الأعلام بالمنتدى بل تشعر أن هناك عضويات فقط وضعت للتهجم . بانتظار إبراهيم الشخاترة للعودة لأرض الوطن سالماً لوضع النقاط على الحروف . التضحية : للعلم موضوع التحليل إن كان سهلاً فهو والله متعب على الأقل نفسياً شباب الكثير الكثير منكم لايعلم أو ينسى أن لكل شخص أشغال خاصة وأهل وعائلة وحياة خاصة يلتهي بها عن الناس ولكن ؟؟ أنا لا أترك المنتدى لأي دقيقة ولأي سبب من شهر 10 حتى منتصف شهر 4 ... وما طلبت من أي شخص يمشي وراي بتوقع أو أو ..... أنا بكتب إلي بشوفه بأي تحليل .. وموجود دائما هون أكثر من كل المشرفين والمحللين بس للأسف موضوع التضحية يؤخذ بطريقة إنعكاسية عليي ورح أقلل من قيمة نفسي وأهلي إذا ببقى هيك أو بضل وضع المنتدى هيك لأنه بضيع وقتي عشي ( فاضي ) بالنهاية وياما قلت المنتدى رح يتغير وهو للوراء سر ، لاحياة لمن تنادي بالنهاية : أقسم لكم أنني سألت أحد المنسحبين من المنتدى لما فعل ذلك أجاب أنا أفيد أناساً بعلمي وهم لايقدرون قيمة ذلك ، صفنت شوي بكلامه فكركم ليش عدد الأعضاء بقل ما بزيد ؟؟؟؟؟؟ مهو تحكوليش سوشال ميديا وبطيخ مبسمر لا من المسخرة إلي بتصير . أخيراً وليس آخراً إن بقي الحال على وضعه بالمنتدى فسأعلن غير آسف ، إنسحابي من المنتدى دون عودة ، والله يشهد على إصراري هذه المرة بصراحة لأسباب كثيرة ذكرتها وما خفي كان أعظممممممم والسلام عليكم ورحمة الله وبركاته

اخي بالله هشام، انا اخوك من القدس، وما بعرفك شخصيا ومعرفتي بك فقط من خلال المنتدى وبحب اتابع منشوراتك من أيام وانت إسمك( الجوكر).. والله لما أدخل المنتدى بدخل بس أدور على مشاركاتك وزخارفك وألوانك انت وبعض الإخوة المقتدرين علمياً وأخلاقيا ... وكثير من الأشخاص لا التفت لمنشوراتهم او حتى اسمائهم لانهم ما بيظهروا الا لما يكون في تراجع على الحالات وبدخلوا يهاجموا ويذموا، وفي باقي الأوقات لا نسمع لهم صوت او تحليل.. اياك ان تفكر بالإنسحاب فهذا مرادهم وغايتهم، لما بدك تعرف قديش انت ناجح ومحبوب لا تنظر للمتهجمين عليك، بل أنظر لعدد المدافعين عنك.. قال تعالى( وإذا خاطبهم الجاهلون قالوا سلاما)..

بطالب ابراهيم شخاترة يدخل ويطرد هالكم فاقع من هالمنتدى الي بهاجموا بهشام وفيي وبباقي الشباب اذا الحرباوي افضل المحللين ما سلم من لسانهم .....رجاء خاص يا بدخل ابراهيم وينهي المهزلة يا ما راح يرجع هشام ولا الشباب القدامى . ورجاء خاص من هوريكان او اي احد من المشرفين ....اي رد يخالف القوانين لازم حذف مشاركة الشخص مع رسالة تنبيه وتهديد عادها طرد ابدي .....اخ لو يرجع المنتدى القديم اي واحد بتفلسف باند خماسي الاطراف.