مناقشة الأحوال الجوية السائدة والمتوقعة خلال شهر شباط ٢٠٢٣

اقتباس: المشاركة الأصلية كتبت بواسطة kalled  اسمحلي اقولك انك غلطان الطيور بعد نص شهر ٤ بتبني الوكوور ع قولتك هيك كانت الأنشودة في كتاب اللغة العربية زمان ناقش مؤلفها مش معاذ

زمان ... كانت تعلن الارصاد الجوية في اخبار الساعة 8 على تلفزيون الاردن انه ثاني يوم ثلج ...يروح الاب ولا الابن الكبير يجيب مونة الثلج ...بزر وبوشار وشوكولاتة وشعيربة وسحلب وممكن كستناء ...يتاكدوا انه في غاز وحطب للتدفئة ...وننام ونصبح الصبح نلاقي الدنيا بيضاء والثلج معبي الدنيا ...يفتح التلفزيون الاردني بدري على الساعة 10 بدل موعده المعتاد الساعة 4 ....يجيبوا الرسوم المتحركة فترة محترمة ...وعلى الظهر يجيبوا مسرحية من مسرحيات زمان اللي كل جيلنا حافظها من قد ما عادوها وقت الثلجات ...تقعد كل العيلة تحضر التلفزيون ...ونضحك مع بعض واحنا دفيانين...وعادي انه تطفي الكهرباء ....امي مسكينة تضلها بالمطبخ ما يخلص الفطور الا الغدا جاي الا العشا جاهز ...وخدلك شفشفة بالمي الباردة لانه ما كان في بويلر لتسخين المي للجلي ... كنا نحب الثلج لانه لمة وعيلة وبركة وتسلاية ... الله يرحم هديك الايام ...

حاليا الحرارة 1.8 مئوية حسب محطة طقس منشية بني حسن وهي الاقل حرارية حسب محطات طقس العرب وحتى أقل حرارة من الرشادية

نعم هي مؤشرات ايجابيه اكيد مش بالضروره تجيب عاصفه ثلجيه ولكن عندما تكون المؤشرات جيده بنتفائل بمنظومة قويه تخدمنا أفضل من قطب سلوكه سلبي الي ذبحنا طول شهر ١٢ و١ والكل شاف نتائجه

اقتباس: المشاركة الأصلية كتبت بواسطة abdelhalim 1929  [IMG][/IMG] لعل من أغرب المنخفضات التي أثرت على بلاد الشام وأدت لتساقط الثلوج في الأردن وفلسطين بعد منتصف شهر آذار هو المنخفض الخماسيني العميق جدا بقيم 990 ميلي بار والذي تقابل في منتصف آذار عام 1998 مع كتلة هوائية قطبية غيرت طبيعته وحولته إلى منخفض قطبي أثر على بلاد الشام في السابع عشر والثامن عشر من آذار عام 1998 وأدى لتساقط ثلوج غزيرة. نعم صحيح. كنت توجيهي. و اتذكر الرياح القوية التي هبت بعد يوم مغبر وصلت فيه الحرارة في مدينة الرصيفة الى ٢٣ و في اليوم التالي. اتوقع كان يوم خميس . تساقط الثلج و بدء بالتراكم في مدينة الرصيفة و على ارتفاع ٦٧٠ متر. و بقي الهطول حتى ساعات الظهر تحول الى امطار و بقي الهطول الثلجي في اغلب المرتفعات و بالاخص طريق المطار التي اغلقت عدة مرات و تم فتحها فكان جنوب عمان الاكثر تاثرا و كذلك مرتفعات عجلون و جرش . حسب الذاكرة

مساء الخير بصراحة قعدت كم ساعه اليوم عرواق أشوف هالكتلة شو ممكن يكون مصيرها مش شايف إلا إنها رح تكون شبه جافة - جافة أو ممكن تتهربد محلها وشو يعني هيك ؟ يعني موجتين وحدة فيهم هطول ووحدة لا أو ممكن يكون الـ2 فش فيهم هطول ( يعني صقيع ) بس عالعموم ... هية أراء وتوقعات مش إشي منزل يعني بالضرورة بمكان الخطأ ( أو الإعتراف فيه ) . بالنهاية يارب تكون عاصفة ثلجية ماحد بنكر حبي للثلج ولكن الصح صح . خلينا نشوف شو ممكن يصير بقادم الأيام ، ويارب تكون رطبة والله أعلى وأعلم

,ويبقى الغلاف الجوي مائع صعب ضبطه بقواعد قطعية أحياناً تشعر حركته حركة توزان ومرات يرك أنه لا يخضع للتوزان ويشذ والتغير في قراءة النماذج المختلفة يومياً أكبر دليل حتى نوا غير ثابته تتغير ولا أجد دليلا قطعياً هل هي تنعكس على النماذج أم النماذج تنعكس عليها في ظل السلبية تعرضنا لعواصف وكذا الحال في الإيجابية لعلي أكثر ما أميل إليه هو السلوك وليس القيم

الحمدلله على نعمه الغيث وان شاء الله ياتينا المزيد لكن هالكتله المتوقع تكون جافه لكنها محسوبه لشرق المتوسط وبعديها ينتقل النشاط مطولا لغربه وعلى تترب الضغوط والسلوك بنكون فتنا بالربيع وسلامتكم فعلا ضياع النشاط بشهر كانون اول وثاني اضاع علينا شهرين من عمق الشتاء على الاقل مطريا ...والحمدلله عكل حال... تع

اقتباس: المشاركة الأصلية كتبت بواسطة ahmad_2008  حاليا الحرارة 1.8 مئوية حسب محطة طقس منشية بني حسن وهي الاقل حرارية حسب محطات طقس العرب وحتى أقل حرارة من الرشادية عدت للتو من المفرق إلى عمان حيث أسكن.... فعلاً الجو في المفرق بارد جداً جداً مع رياح

اقتباس: المشاركة الأصلية كتبت بواسطة ابو معيط  وانا اسعد حبيب .. دليل كلامي ابو ابداح اخر منخفض ... من عاصفة ثلجية تاريخية لبضع سنتمترات ثلوج .. والسبب عاصفه فرعية ضعيفه تشكلت من عواصف الشمال ... الخلاصه لا تحلف على الغلاف الجوي صديقي الضغوط الحالية مثالية جدا صديقي والاندفاع وصل بالفعل الى البحر الأسود ولكن ماذا حدث بعد ذلك وكيف اختلف سلوك الاطلسي لا نعلم .. عموما الله يكرمنا ومازال للحديث بقية ومؤشرات تجدد مرتفع اوروبا موجودة فيما تبقى من شباط حتى بداية آذار .... الضغوط المتوقعه "حالياً" صدقاً مش مثالية و بالنسبة لاخر منخفض كمان من قيم مثالية ( قبل اكثر من اسبوع على تأثيره ) لقيم غير مثالية لقبل بكم يوم من تأثيره ، هون احنا بنحكي عن الاسباب انه كلشي بتغير وشو الشغلات اللي تغيرت و كلامك صحيح لا تحلف عالغلاف الجوي و هاد اللي كنا نحكي قبل انه لازم نتريث قبل ما نجزم باشي معين عالاقل لبين ما ندخل بفتره قريبه و التغيرات فيها ما بتكون جذرية … ان شاء الله، الله يكرمنا بنزول نقعد اسبوعين نحلل في و يزبط و نصير نتناقش الثلج على 400 ولا 500 يسعد مساك