::: مناقشة الأحوال الجوية السائدة والمتوقعة في شهر كانون ثاني / يناير 2016::

اقتباس: المشاركة الأصلية كتبت بواسطة abo naber  هلمرة انا معك القيم متغيرة يوميا ومنها بتتغير التحديثات تباعا.. الى حين اقتراب المدة العناد مش مفيد باشي رغم انو الامور تبقى ايجابية اجمالا القصه يا ابو النبر العزيز انه النزول مش علينا وهذا واضح بس شو بصير بكره الله اللي بعلم بس انه اجي أحلل تحديث لازم كمحلل احكي اللي جوا التحديث مش شو انا حابب ،، يعني الشغله مش خاوه النزول عنا وانه ايجابي لا هذا التحديث سلبي وسلبي جدا كمان

اكثروا من الاستغفار... أستغفر الله العظيم واتوب اليه استغفر الله العظيم واتوب اليه استغفر الله العظيم وأتوب إليه

تحديثات النماذج الليلة .... سيناريو مختلف عن الامس .... بالامس كانت تشير الى مخرجات افضل .... نرجع الى سيناريو الليلة .... برودة كبيرة تنزلق جنوبا عبر شرق اوروبا .... بؤرة ضغط جاهزة للاستقبال في حوض قبرص .....الا انها ليست قوية 1015 مليبار .... مرتفع قوي على وسط اوروبا وغربها 1045 ملبار .... ولكن عواصف الاطلسي قوية جدا في تحديثات الليلة 955 مليبار و 980 ملبار .... تحير النماذج وتوقف البرودة في البحر المتوسط واتنتشارها في كل الاتجاهات .... مما يفتح باب الاحتمالات عند النماذج والحذر ...... والله اعلم ...

مساء الورد اعزائي بدي احكي بالعامي معلش ههههه شباب صدقا الي بصفن هيك شوي وبكون قاعد وفاتح عالنماذج وخاصة " الاوروبي المسائي " لا اراديا بصير يكبر ويستغفر لحالو بالمختصر ... جلت قدرة الله وبخلال 24 ساعه فقط الاوروبي يشرق " الكتلة القطبية الضخمة " لتقطع مسافة لا بأس بها نحو الشرق والبرودة لا بأس بها القيم متغيرة يوميااا مجاني ولا تفصيلي ولا اشتراك لكن الاشارااااات وحددددة شو ماكانت شوفوا وين كان الصبح ووين صار المسا ؟؟ بعدين للان ... ؟؟ تزعلوش مني على بساطة " عقليتي التحليلية " لكن بشعر النماذج نفسها مش متخيلة تحط هيك كتلة "" فوق شرق المتوسط "" في رب ؟؟ فش مستحيل وفش يأس انا متفائل ولو نشفوها النماذج ... ربنا ارحم من النماذج ومن اعضاء الانسامبل بحبكم اصدقائي ...

هذه تبقى توقعات نماذج وهي قابلة للصواب والخطأ والتغيرات ستحصل مع كل تحديث سواء ايجابا ام سلبا. أن الله قوي بيده تصريف الامور. فقط عليكم الاستغفار وطلب مسير السحاب أن يسوقه لنا ويبارك فيه كيف ما يشاء

اقتباس: المشاركة الأصلية كتبت بواسطة MOHANNAD HAWAMDEH   القصه يا ابو النبر العزيز انه النزول مش علينا وهذا واضح بس شو بصير بكره الله اللي بعلم بس انه اجي أحلل تحديث لازم كمحلل احكي اللي جوا التحديث مش شو انا حابب ،، يعني الشغله مش خاوه النزول عنا وانه ايجابي لا هذا التحديث سلبي وسلبي جدا كمان بس يا عزيزي , المتنبئ الجوي مش بس يقرأ خرائط ..! المتنبئ الجوي الحقيقي هو الذي يتوقع ما سترسمه الخرائط يعني مش إذا شخص حكالك التحديث ايجابي وهو سلبي يعني تبع عواطفه أو ما بعرف يحلل قد يكون يرى أمور منطقية أكثر من هذا التحديث أو انه مثلا شاف تحسن ملحوظ عن تحديث الصباحي وبناءً عليه توقع تحسن أكثر إضافي أو أنه بيكون دارس عوامل بتجهلها انت أو انا أو كثرين غيرنا وبيكون هو عنده علم كافي فيها أو عنده خبرة , بتأهله أنه يقول : التحديث إيجابي مش سلبي كل الاحترام

بصراحة الواحد كل شوي بيقرأ تحليل مناقض للي قبله شوي غربت وشوي شرقت وكله من نفس الخرائط!!! بعرف هاي الزاوية للأعضاء ومشاركاتهم ومحاولاتهم للتحليل بس والله كله عكس عكاس وللأسف بيروح حظ المجتهد مع اللي بلاخم ملاخمة اعذروني على هذا النقد بس جد انا الآن ما بعرف التحديث إيجابي والا سلبي!!! وشكرا

اقتباس: المشاركة الأصلية كتبت بواسطة MOHANNAD HAWAMDEH   القصه يا ابو النبر العزيز انه النزول مش علينا وهذا واضح بس شو بصير بكره الله اللي بعلم بس انه اجي أحلل تحديث لازم كمحلل احكي اللي جوا التحديث مش شو انا حابب ،، يعني الشغله مش خاوه النزول عنا وانه ايجابي لا هذا التحديث سلبي وسلبي جدا كمان عزيزي سلبي بالنسبة الك .. لو قارنته بالتحدث الصباحي لتجده ايجابي جداً

اخر تحديث لقيم Ao من نوا تشير الى عدم وصول المؤشر الى قيم سلبية متطرفة وبداية الصعود الى التعادل والقيم الموجبة الخفيفة بعد منتصف الشهر مباشرة اما تحديث Nao الاخير فيشير الى هدوء لعواصف الاطلسي مع تسجيل قيم متعادلة هادئة الكلتة الرطبة Mjo نشطة على المنطقة ومتوقع تعمقها ونشاط شرقا اكثر النتيجة : النزول الى الشرق ان شاء الله من لديه تفسير اخر فليفيدنا حتى نستفيد

اقتباس: المشاركة الأصلية كتبت بواسطة عمر ملكاوي  بس يا عزيزي , المتنبئ الجوي مش بس يقرأ خرائط ..! المتنبئ الجوي الحقيقي هو الذي يتوقع ما سترسمه الخرائط يعني مش إذا شخص حكالك التحديث ايجابي وهو سلبي يعني تبع عواطفه أو ما بعرف يحلل قد يكون يرى أمور منطقية أكثر من هذا التحديث أو انه مثلا شاف تحسن ملحوظ عن تحديث الصباحي وبناءً عليه توقع تحسن أكثر إضافي أو أنه بيكون دارس عوامل بتجهلها انت أو انا أو كثرين غيرنا وبيكون هو عنده علم كافي فيها أو عنده خبرة , بتأهله أنه يقول : التحديث إيجابي مش سلبي كل الاحترام 100%