اسمعي يابنت حوى هالكلام الى بقوله
شاعرن قدر حنانك وغره اسلوب الزعامه
غرته كلمت احبك هزته عرضه وطوله
وخلته مابين عين وبين خد وبين شامه
خلته يسبح فى بحرن خالط امواجه سهوله
ما عرف وش هو مصيره ما عرف صفحت ختامه
خلته يتبع سراب ن لا نتهي ولا شاف زوله
ماهتني بذاك الجمال ولااهتني حتى بمنامه
ساهرن ليله وصبحه يشكي عشقه و هوله
لامه الليل ونجومه حتى نجم سهيل لامه
الصحيح انك قتلتي عالم ن فيه الطفوله
عالم غره غرامك ولاعفيتي عن غرامه
ليه كنتي له زعوله ليه اهنتي هالرجوله
ليه حطمتي كيانه وحكمك اصدر اتهامه
اتهمتيه بخيانه وكانت احكامك عجوله
تصدر بلا امانه ولا دليل ولا علامه
لاالدليل الى يقال ثبت مطلع نزوله
بس ودك تهدمين شعور واحساس وغرامه
بس ودك تلعبين بخفاقه وانتي هزوله
تضحكين اليا ذكر للك صادق العشق وكلامه
يرتجي لامن زعلتي خاطرك ويخفى قبوله
صانك شهور وليالي حتى شهر الخير صامه
وقتها ماكنت افكر كيف فزتي بالبطوله
كيف اخفيتي لعانه واتضحله بابتسامه
كيف الهمتي خياله وامتلكتيه بسهوله
كيف اوهمتي ضميره بانك انتي اهتمامه
صدقيني
صدقيني
صدقيني لا الجمال ولا الدلال ولاالميوله
يكتمل دامه ضعيف ودام الكذب بمقامه
وصدقيني
وصدقيني
وصدقيني مايفيد العشق مغناه وطبوله
وانتغناه الغرام قاده احساسه لمرامه