اقتباس: المشاركة الأصلية كتبت بواسطة ابن الضفتين
مساء الخير
سؤال للشباب السهيرة
منطقتي بالمنخفضات غير الثلجية دائما ما تكون ممتازة من حيث الامطار والامور طيبة
لما يكون جاي عالاردن منخفض قطبي ! ما بضل الا هوا بس مع انه فعليا بتكون بتثلج بعمان على بعد اقل من 20 كم !
بس احنا بالرصيفة والزرقاء بكون هوا مو مطر حتى !!
يعني مش المفروض بالوضع الطبيعي ارتفاعنا ما بسمح بنزول الثلج ينزل مطر وبرد ، بس اغلب الحالة بتكون هواا
+ اول ناس بتخلص من عنا الحالة
هذا الحكي بحكي عن 11 سنة مراقبة كثيفة للشتاء ما بحكس عن منخفض واحد لا اغلب الحالات القطبية بكون هيك يا ريت اي حد يشرحلنا شو السبب او التفسير العلمي
|
نفس المشكلة تقريبا في اربد بس بطريقة ثانية االامطار حاضرة ولله الحمد دائما لكن في المنخضات القطبية المحرزة وقت ذروتها بنوكل الهوا البارد بس, و حتى المطر بكون خفيف ... بعد سؤال و ملاحظة كمان 10 سنوات مثلك وصلت لانو في المنخفضات القطبية القوية غالبا ببلش تمركز المنخفض شرق قبرص او حواليها و هاذ المركز مفيد جدا لابد و بصير هطولات مطرية معتبرة في البداية بتتفوق عكل المملكة لكن بهالوقت بكون الهواء البارد في الطبقات المهمة 500 و 850 لسا ما دخل المنطقة او ما تعمق كفاية ليخدم هطولات ثلجية عالارتفاعات الاقل .. بعد هيك للاسف دائما و ابدا لما يتعمق الهوا القطبي و بالتزامن مع دخولو بتغير مركز المنخفض باتجاه سوريا و هاذ التمركز قاتل لاربد لانو الرياح بتتغير لغربية و شمالية غربية ف الهطولات بتصير متقطعة او معدومة و ما بنحصل على ثلوج على الرغم من انو البرودة في طبقات الجو بتكون كافية لتساقطات ثلجية بسبب موقع المدينة الشمالي .. هاذ سلوك المنخفضات القطبية في شرق المتوسط و غالبا هالاشي ما بتغير .. عشان هيك هاي المشكلة مستحيل تنحل و تصير الدنيا تثلج في اربد الا اذا اربد نزلت ابو 30 كم للجنوب ..
طبعا ارتفاع المدينة قليل اصلا من 550-700 لكن حتى اذا بيجي منخفض قوي جدا ومعتبر بصير معانا المقلب الي كتبتو فوق دايما ..
عشان هيك اللي بدو ثلج يرحل من اربد لعمان الغربية او عجلون او السلط ..