مناقشة الاحوال الجوية خلال شهر كانون الثاني 2019

اقتباس: المشاركة الأصلية كتبت بواسطة محمد نعمان  يا أخي احكي ان شاء الله تتحسن التوقعات ولو شوي أقل ما فيها بدل كلامك انه حاسس جفس رح يتراجع وكأنه ما صدقته متى النماذج رح تتراجع طبعا مع احترامي لتحليلك المنطقي والله متمني تتحسن وصرلي سنين بانتظار الثلوج لكن ما بحب اخلط المشاعر بالتحليل.... من الاول حكيت انه حتى 20 الشهر الحالات سويعة ونحن على الاطراف... والان بدات النماذج ان ترسم انكسار هذا النمط من خلال استراحة قصيرة تكون بعد هذا المنخفض حيث تتاثر غرب اوروبا بمنخفض عميق بعد هيك كنظزة عامة اتوقع مرتفع محترم على وسط اوروبا لكن الله اعلم... هذه رؤيتي للامور بنائا على الخبرة وبرءئيي ما زال الشتاء باوله وسنرى العجب..

البرودة في الاوروبي تراجعت كثيرا و لا انا غلطان..حتى سوريا و لبنان البرودة صارة 0-2-

الوضع ممتاز جدا لكن تبقى التفاصيل هي الفيصل

انتم ميتين عالثلج والارتفاعات واحنا ولا عمرنا شفناه بغزة ههه اكثر حاجة ممكن نشوفها حبات البرد الكبيرة لما تنزل بغزارة بتذوب بعشر دقائق نص ساعة بالكثير بتذكر اخر مرة نزلت بشكل كبير وتراكم فوق بعض بشهر ابريل سنة ٢٠١٥ كان حالة نادرة جداً مستحيل تنعاد بسهولة عالعموم ربنا يبسط الجميع إن شاء الله خير

حسب نشرة طقس العرب ليوم الأربعاء لاحظت رفع لدرجة الحرارة من 5 الى 7 في منطقتي احنا بدنا تنزيل يا شباب

الاوروبي مش ممتاز الا للمرتفعات العالية حاليا ً ... وممكن يطرا تراجع على القيم اذا الاوروبي استمر بهذا السيناريو .. البيانات حساسة يا جماعة .. طولوا بالكم .. ما في اي اتفاق على اي سيناريو .. جفس عندو الثلوج من الظهر لمنتصف الليل مع برودة عالية وارتفاعات متوسطة وأقل من متوسطة. الاوروبي يدعم حالياً ارتفاعات 1000 متر .. متوسط النماذج 800-900 متر لكن صبركم الليلة وبكرا نشوف شو رح يصير

الحمدلله تحديثات مبشرة وهي أفضل من تحديثات الأمس

صباح الخير الصبر مفتاح الفرج ننتظر تفاصيل الاوروبي مبدئيا الاوروبي ممتاز

الأجواء فى وادى موسى غائم الكلى و رياح متوسطه الحمد لله اللهم اغثنا ..اللهم اغثنا ...اللهم اغثنا

اجواء صافية وباردة مع نشاط للرياح متوقع امطار متفرقة مساء اليوم ويوم غد باذن الله خصوصا شمال المملكة قد تمتد الى اجزاء من وسط المملكة