غـرام احبـاب

ملفي الشخصي · [ **10-11-2009** ]

على ذاك الطريق اللي يسمونه غـرام احبـاب
وطت رجلي على دربه ولا ادري وش نوى فيني
تبعته لآخر دروبه اليـن ان القمـر قـد غـاب
تعـب قلبـي ولاتعبـت مسافـات(ن)اتودينـي
لقيت الليه الجرده هدب وظل وسمى واعشـاب
بعـد ذاك الظـلام اللـي يتوهنـي عناويـنـي
صدفتج معجبه فيني وياليـت الغـرام اعجـاب
وتراج انتي الهنوف اللـي هقيتـج تستحقينـي
عطيتج عشق من قلبي وسلـم لغـلاج ارقـاب
وغيـرج يحتـرق قلبـه ولايقـدر يحاجيـنـي
انا قبلج صدفت عيون لاكن ويش جـاب للجـاب
تـرى كـل العيـون اللـي لقتنـي ماتكفينـي
رماني حظي العاثر عليج وجيـت لـج طـلاب
ولا انتي اللي عشقتيني ولا انتي اللـي عتقتينـي
تعالي وارحمي ذاك الخفوق المولـع المرتـاب
مهو بلاجلي!عشـان الله يجازيـج ويجازينـي
تعدي في سما عشقي ولو عشقي خراب اصحاب
وصوني بالهوى نفسج قبل لا انتـي تصونينـي
وشيليني على متنج خفوق(ن)باري(ن)منصاب
ومن فوق الغـرام العـذب شيلينـي وحطينـي
ولامنج هقيتينـي شجـاع ومايطيقـي ايهـاب
انا لج بالهـوى والله مثـل ماانتـي هقيتينـي
انا مامشي ورى غيرج ولو انـه يطـق البـاب
وترى عيب(ن)علي اطعن ولو كثرت سكاكينـي
زهود(ن)مايطيـق الـدم لا دايـن ولا طــلاب
شجاع وعارف(ن)نفسي واضن انـج تعرفينـي
غيور(ن)ماعرفت اضحك مع الغدر ببرود اعصاب
ابيـع عيونـي الثنتيـن قبـل انـج تخونينـي
واذا اشتد الغرام احط قلبي بيـن نـاب ونـاب
الفرقى تكسر ضلوعي ولا عشـق(ن)يوطينـي
انا رجل(ن)ولي غيره واذا شفت الهـوى كـذاب
تثـور بقلبـي الفزعـه ولاتهـدى شياطيـنـي
سؤالج لـو يزعـزع كيانـي ماقبلـت عتـاب
بجيلج واسألج نفس السـؤال اللـي سألتينـي
عن العشق القديم ابواب ودق فيها كثير ابـواب
بعد ذاك الحبيب اللي خدعنـي وانخـدع فينـي
ابي عشق اتحسبله كل نظرات العيـون حسـاب
وابي قلب(ن)على قلبي وابي دين(ن)على دينـي
وابي كلمة عهد توفي ولاتخلف بـدون اسبـاب
وابي منـج قبـل لا انتـي تصدينـي تودينـي
وابي درب(ن)على العذال صعب ومتعب وغـلاب
وابي نفس الطريق الصعـب يبعدهـم ويدنينـي
ترى لو للقلوب عيون ولدموع العيـون اهـداب
حشى ماتنـزل الدمعـه لغيـرج لـو تركتينـي
انا اول من عرف قدرج وانا توني صغير زشاب
وابـي منـج مـدام انـج عرفتينـي اتحبينـي
مدام اني لقيتج في طريق اسمه غـرام احبـاب
دخيـل الله وبـعـد الله دخيـلـج لاتخليـنـي
مدام كل من يحيى على وجـه التـراب تـراب
وعسى تنساني الدنيـا مـدام انتـي ذكرتينـي