متابعة التوقعات لمنخفض الخميس والجمعة 25+26 كانون الثاني/يناير 2018

والحمد لله امطار مستمره غير متقطعه اغلبها متوسط الغزاره احيانا خفيفه

اولا... امطار مخلوطة بالثلوج جميلة في الرابية و درجة الحرارة حسب السيارة ٢ مئوية. اجواء شتوية ولا اروع و لله الحمد. ثانيا... على شو البعض نازلين انتقاد بالتوقعات سواء بطقس العرب او المحللين أو بعض أعضاء المنتدى؟ للتذكير، كافة الجهات الرسمية و الغير رسمية توقعت ثلوج اليوم، حتى الأرصاد الجوية الاردنية توقعت ثلوج على ٩٠٠ متر و ما زبطت، هل هذا يعني كلهم ما بيعرفو بالطقس؟ أم ان الحالة كانت معقدة و لم تأتي كما كان متوقعا لها؟ اي انا اول واحد لازم انتقد و أغلط على هيك، ناتع حالي انا و عائلتي المكونة من ٥ أشخاص من العقبة لعمان عشان نستمتع بالثلج و ما اجا ثلج، عادي منحكي الحمد لله و خيرها بغيرها، ما منغلط بالناس و منجرح فيهم. ثالثا و هو الأهم، اعتقد انه ان الاوان لبعض الترقيات لبعض الأعضاء اللي فعلا بيستاهلو اللون البرتقالي أمثال أبو نبر و ابو معيط و اخرين... بالاضافة لبعض الترقيات للون الأزرق لأنو واضح نقص المشرفين الفعالين في المنتدى، في مشاركات عم تمرق و أشخاص لازمهم حظر من زمان، اكيد هم عارفين حالهم. عذرا على الاطالة لكن فعلا صرنا ننقهر بالمنتدى لأنو ما كان هيك زمان و انا متابعو منذ بداياته الرائعة، لما كانت المحبة و الاخوة موجودة بكثرة بين الأعضاء و ما كان الواحد واقف للثاني عالنقرة.

اقتباس: المشاركة الأصلية كتبت بواسطة ثلج الجنوب  طبعا" كنت بدي اذكر هالشي بس انا ذكرت الاخوة المحللين وليس المشرفين والاخ ايزو توقعاته دقيقه جدا" بس كمان انا رجعت اقتبست المشاركة وكتبت انو اتكلم عن الاخوه النشيطين بشكل لافت ومستمر تحياتي للجميع وفعلا" ما حدا قصر خصوصا" الغالي ابو حلب وابو معيط والدكتور محمود ومحمد هوريكان وبالطبع الاخ عمر واسامه وفادي ودكتور طارف ومعتز لحانوتي والبقيه كلهم ما قصروا والله يشهد وكلكم عراسي من فوق ايوااا هيك وسع لكل الشباب ، بدناش حد يتهمش عراسي صديقي ............... 5.5 ملم مجموع امطار اليوم للآن ولسا الامطار مستمرة كمية ممتازة اذا ضفناها لامطار يوم امس ...

امطار متوسطة تتساقط حاليا بتلاع العلي ولله الحمد

ثلوج تتساقط بالمزرعة الشرقية وكفر مالك برام الله

امطار متوسطة ولله الحمد

وهاي صاحبنا النرويجي ابو الاوروبي اللي كان حاطط ثلج ب4/2 غير رأيه ومسح كل اشي

ما ترصده محطة الفحيص عبارة عن مقيق لما هو على ارض الواقع

يا اخواني منخفض والله رائع والحمد لله الامطار مستمرة منذ المغرب دون انقطاع والشوارع برك وسيول منطقة التلفزيون الاردني

سبحان الله على الرادار خلية مطر محرزة فوق الخليل وعلى أرض الواقع لا شيء سوى الضباب ورذاذ لا يكان يرى