مناقشة الأحوال الجوية السائدة والمتوقعة خلال شهر كانون الثاني/يناير 2024

شكلهم شباب الدعم الفني ماكلين باندات من هوريكان أو قدموا استقالاتهم مشان الله حلوا مشكلة الرسالة المزعجة اللي رفعت ضغطنا

~~ مساء الخير جميعاً ~ بالبداية أسالكم بالله يلي قايمين على هالمنتدى تشوفلنا حل بهالتعليق والرسائل المزعجة إلي بتطلعلنا الوضع جد مش مبشر لقدام طبعا ً أنا شايف النشاط القطبي المنتظر أكثر من 15 يوم ولكن " أخرت النشرة القطبية " لسببين : 1- النموذج الأمريكي هاي السنة مش ولابد توقعاته ، فبتابع الإنسامبل الخاص فيه الي متوقع النزول يوم 27 مش 24 . 2- وعلى رأي جاري أحمد إبداح منعاً للجلطات ، صيدلية المنتدى ما ضل فيها مميعات وأسبرين نقطة أخرى ، تواصلت مع الدكتور محمود الخطيب قبل كم يوم للإطمئنان عليه وعشان أعرف سبب غيابه عن المنتدى وعن رأيه بالموسم ؟ خاصة إني حكيت معه بدآيات الموسم ماكان متفائل فقالي : عدم تفائله كان بالنص الأول من الشتاء بالإضافة لأحداث غزة الله يعزها وينصرها . أضاف الخطيب : عنا فترة نشاط جيدة وتحول في النظام ان شا الله طبعا بدء من الاسبوع الاخير من يناير وبدايات شباط . وممكن تحمل فرصة ثلج مبدئيا ًوشهر3 قد يكون الأفضل هذا الموسم ... تابعونا أول بأول ، من هذه اللية ستبدأ المطاردة القطبية المنتظرة كل عام كل التوفيق للمقاومة الفلسطينية أينما ضربت وأوجعت ، ولن أنسى الوقوف خلف بلاد الشام في كأس أمم آسيا ومنتخبي الأردني . ~~ والله أعلم ~~

غيوم رعدية في سماء المنطقةمع بدا تساقط الامطار

خلايا ثقيله ظاهرة على الرادار تؤثر على سوريا و لبنان و شمال فلسطين ، خلال وقت قصير ستمتد الخلايا لتشمل شمال الاردن ولاحقاً اجزاء من الوسط باذن الله و نشاط الرياح و بعض الهبات القوية ستكون حاضرة في هذه الحالة الفرص واردة لزخات مطرية للجنوب والشرق خلال هذه الحاله وان شاءالله يكون الواقع افضل ...

بخصوص الاوروبي والكندي فيبدو ان السيناريو المطروح لديهم هو الادق فترة نشاط قطبية ستكون الاقوى منذ سنين .... وستمتد هذه الفترة حتى الثلث الاول من شباط والله اعلم

جبهة ماطرة تقترب من أجواء المملكة وستدخل المناطق الشمالية خلال الساعة القادمة تمتد تباعا للوسط

كوزمو المسائي يتوقع طراطيش متفرقة للكرك غدا بمشيئة الله تعالى والله تعالى أعلم

رياح عاصفة قوية في عجلون والحمد لله بانتظار دخول الجبهة الماطرة ان شاء الله

ولله الحمد والشكر 45 ملم بمحطة القدس الثانية والتراكمي ١٩٨ ملم. 88بالمية من هطول الموسم بعد غدا بغلقوا ال100بالمية ان شاء الله .

هطول غزير للأمطار مصحوب بالرعد قلقيلية