اقتباس: المشاركة الأصلية كتبت بواسطة aqaba
اولا... امطار مخلوطة بالثلوج جميلة في الرابية و درجة الحرارة حسب السيارة ٢ مئوية. اجواء شتوية ولا اروع و لله الحمد.
ثانيا... على شو البعض نازلين انتقاد بالتوقعات سواء بطقس العرب او المحللين أو بعض أعضاء المنتدى؟ للتذكير، كافة الجهات الرسمية و الغير رسمية توقعت ثلوج اليوم، حتى الأرصاد الجوية الاردنية توقعت ثلوج على ٩٠٠ متر و ما زبطت، هل هذا يعني كلهم ما بيعرفو بالطقس؟ أم ان الحالة كانت معقدة و لم تأتي كما كان متوقعا لها؟ اي انا اول واحد لازم انتقد و أغلط على هيك، ناتع حالي انا و عائلتي المكونة من ٥ أشخاص من العقبة لعمان عشان نستمتع بالثلج و ما اجا ثلج، عادي منحكي الحمد لله و خيرها بغيرها، ما منغلط بالناس و منجرح فيهم.
ثالثا و هو الأهم، اعتقد انه ان الاوان لبعض الترقيات لبعض الأعضاء اللي فعلا بيستاهلو اللون البرتقالي أمثال أبو نبر و ابو معيط و اخرين... بالاضافة لبعض الترقيات للون الأزرق لأنو واضح نقص المشرفين الفعالين في المنتدى، في مشاركات عم تمرق و أشخاص لازمهم حظر من زمان، اكيد هم عارفين حالهم.
عذرا على الاطالة لكن فعلا صرنا ننقهر بالمنتدى لأنو ما كان هيك زمان و انا متابعو منذ بداياته الرائعة، لما كانت المحبة و الاخوة موجودة بكثرة بين الأعضاء و ما كان الواحد واقف للثاني عالنقرة.
|
تحياتي الك,, ما تنقهر ولا عبالك خليك مستمتع بالاجواء, بعز الصيف لما تقرب الحرارة عالاربعين بنصير نتمنى هيك أجواء, والانتقادات موجودة بكل مكان مش بس هون بكل مواقع الطقس وفي مواقع كانت تعتذر اليوم, ولو تنحذف كل المشاركات المسيئة وينطرد كل المسيئين ما رح تنحل الممشكلة رح يجي غيرهم. ولو بتكتب عن الجنة رح تلاقي ناس بتعترض .
علي عبنده كان يقول الناس يجعلونني مسؤولا عن الجو وليس عن التنبؤ به، فمثلاً عند تتساقط الثلوج أتلقى العديد من المكالمات من المواطنين الذين يحملونني مسؤولية تساقطها، وعند نزول المطر بعد انحباس طويل أتلقى مكالمات من المواطنين يشكرونني على هذا الخبر وكأنني أنا المسؤول عن هطوله
وفي 2015 مدير الأرصاد الجوية اعتذر للمواطنين عن الإخفاق في التوقعات, وفي 2005 تم اقالة مدير الأرصاد الجوية التايلندية اثر فشل ادارته في اصدار تحذير من موجات المد التي ضربت البلاد ربما كان من شأنه انقاذ ارواح الآلاف من الاشخاص.
واستعداد الأجهزة الامنيه مشكورة في هذه الحالات افضل من ان الحالات التي تاتي على غفلة وتسبب كوارث, اليوم توفي وافد مصري بسبب انهيار جدار في راس العين